ဆေးတက္ကသိုလ်(မန္တလေး)မှ ဆရာဝန် (၅၆) ဦး ဖောင်ကြီး ကိုဗစ်ကုသရေးစင်တာသို့ သွားရောက်

မန္တလေးတိုင်းမှ ဖောင်ကြီး ကိုဗစ် ကုသရေးစင်တာသို့ သွားရောက်မည့် ဆရာဝန်များ (၅၆) ဦးမှာ အောက်တိုဘာ (၁၂) ရက် နံနက်ပိုင်းက မန္တလေးမြို့၊ လမ်း(၃၀)ရှိ ဆေးတက္ကသိုလ်(မန္တလေး) မှ စတင်ထွက်ခွာ ခဲ့ကြပြီ ဖြစ်ကြောင်း သိရသည်။ 

COVID-19 ရောဂါ တိုက်ဖျက်ရေးအတွက် ဆေးတက္ကသိုလ် (မန္တလေး)မှ ဆရာဝန်များအဖွဲ့သည် ဗဟိုဝန်ထမ်းတက္ကသိုလ် (အောက်မြန်မာပြည်) ဖောင်ကြီး COVID-19 ကုသရေးစင်တာသို့ သွားရောက် အားဖြည့်ကူညီ ကြမည် ဖြစ်သည်။ 

ဗဟိုဝန်ထမ်းတက္ကသိုလ်(အောက်မြန်မာပြည်) ဖောင်ကြီး COVID-19 ကုသရေးစင်တာသို့ သွားရောက် အားဖြည့်ကူညီကြမည့် ဆရာဝန်များအား မသွားရောက်မှီ ဂုဏ်ပြုပွဲအခမ်းအနား ပြလုပ်ခဲ့ကြကြောင်း သိရသည်။ 

ဖောင်ကြီး ကိုဗစ်ကုသရေးစင်တာသို့ ဆေးတက္ကသိုလ် (မန္တလေး)၊ မန္တလေးအထွေထွေရောဂါကု ဆေးရုံကြီး၊ ခုတင် (၃၀၀)ဆံ့သင်ကြားရေး ဆေးရုံကြီးနှင့် ခုတင် (၅၅၀) ဆံ့ ကလေးဆေးရုံကြီးတို့တွင် တာဝန်ထမ်းဆောင်နေကြသော ဆရာဝန်များ သွားရောက်ခဲ့ကြသည်။ 

သွားရောက် ပါဝင်ခဲ့ကြသူများမှာ ဆေးပညာ အထူးကုဆရာဝန် (၁၆) ဦး၊ မေ့ဆေးအထူးကု ဆရာဝန် (၁၂) ဦး၊ စုစုပေါင်း ဆရာဝန် (၂၈) ဦးတို့ သွားရောက်၍ တွဲဖက်တာဝန် ထမ်းဆောင်မည် ဖြစ်ပါသည်။ 

COVID-19 ပြန့်ပွားမှုများ များပြားလာသောကြောင့် နိုင်ငံတော် အစိုးရ အနေနဲ့ သက်ဆိုင်ရာ တာဝန်ရှိသူတွေနဲ့အတူ သတိပေးချက်များ၊ အမိန်စာများ ထုတ်ပြန်ခြင်း အပြင် အသွားအလာ ကန့်သတ် နယ်မြေများမှ အိမ်ထောင်စုများအား ထောက်ပံ့ကြေးပေးအပ်ခြင်းများ ကိုလည်း ဆောင်ရွတ်ပေးနေတာကို တွေ့နိုင်မှာ ဖြစ်ပါသည်။