ဆန်တစ်ပြည် (၁,၀၀၀) ကျပ်နှုန်းဖြင့်ချမ်းအေးသာစံမြို့နယ်အတွင်း ကားဖြင့်လှည့်လည် ရောင်းချမည်

မြန်မာနိုင်ငံ ဆန်စပါး ကုန်သည်များအသင်း (မန္တလေးတိုင်းဒေသကြီး) ဥက္ကဋ္ဌမှ မန္တလေးတိုင်းအတွင်းရှိ ချမ်းအေးသာဇံ မြို့နယ်တွင် နိုင်ငံတော်အရန်ရိက္ခာဆန်အဖြစ် စုဆောင်းထားသော ဧည့်မထဆန်အုပ်စု ဆန်များကို အများပြည်သူများသို့ တစ်ပြည်လျှင် (၁,၀၀၀) ကျပ်နှုန်း ဖြင့်ရောင်းချ ပေးသွားမည် ဖြစ်ကြောင်း ပြောကြားထားသည်။

ချမ်းအေးသာစံမြို့နယ်တွင်း၌ ဧည့်မထဆန် တစ်အိတ်လျှင် (၂၄,၀၀၀) ကျပ်နှုန်းဖြင့် အောက်တိုဘာလ (၁၀)ရက်နေ့နှင့် (၁၁)ရက်တို့တွင် ရပ်ကွက်များသို့ ကားဖြင့် လှည့်လည်ရောင်းချ ပေးသွားမည်ဖြစ်ပါသည်။ သိရသည်။
 
ဆန်များကို ရောင်းချရာတွင် အောက်တိုဘာလ (၁၀)ရက်နေ့၌ မန္တလေးမြို့၊ ချမ်းအေးသာစံမြို့နယ် အတွင်းရှိ သင်္ဂဇာချောင်းပတ်လမ်း၊ ချမ်းသာရဘုရား အနောက်ဘက်မုခ်အနီးတွင် နံနက်(၉)နာရီမှ စတင်ကာ သွားရောက်၍ ရောင်းချပေးသွားမည် ဖြစ်ပါသည်။ 

ကျန်ရှိသော ရပ်ကွက်များကိုလည်း ကားဖြင့်ဆက်လက် လှည့်လည်ရောင်းချပေးမည် ဖြစ်ပါသည်။ ထို့အပြင် လူစုလူဝေး မဖြစ်အောင်လည်း စနစ်တကျ ကြပ်မတ်ရောင်းချပေးသွားမည်ဟု ဥက္ကဋ္ဌမှ ပြောကြားထားသည်။ 
 
သို့ပါ၍ ချမ်းအေးသာစံမြို့နယ် အတွင်းမှ ပြည်သူများအနေဖြင့် ဆန်တစ်ပြည်ကို (၁,၀၀၀) ကျပ်နှုန်းဖြင့် ၀ယ်ယူနိုင်သလို ကြက်သွန်နီ၊ အာလူး၊ ချင်း စသည့် အခြေခံစားသောက်ကုန် ပစ္စည်းများကိုလည်း ဈေးသက်သာစွာ ဝယ်ယူနိုင်ရန် ထည့်သွင်း ရောင်းချပေးသွားမည်ဖြစ်ကြောင်း သိရသည်။