ပြည်ထောင်စု ရာထူးဝန်အဖွဲ့မှ ဗဟိုဝန်ထမ်း တက္ကသိုလ်များတွင် (၂၀၂၀-၂၀၂၁) ခုနစ် လေ့ကျင့်ရေးနှစ် အတွက် ဖွင့်လှစ်ရန် ကျန်ရှိနေသော သင်တန်းများအနက် ဗဟိုဝန်ထမ်း တက္ကသိုလ် (အထက်မြန်မာပြည်) တွင် အောက်တိုဘာလ (၆) ရက်နေ့ နံနက်ပိုင်းက စတင်ကာ အွန်လိုင်းသင်ကြားမှုဖြင့် စတင်ဖွင့်လှစ်သည်။
အွန်လိုင်းသင်ကြားမှုဖြင့် စတင် ဖွင့်လှစ်လိုက်သော သင်တန်းများမှာ...
_0403.png)
ပြည်ထောင်စု ရာထူးဝန်အဖွဲ့ အနေဖြင့် (၂၀၁၉-၂၀၂၀) ခုနှစ် လေ့ကျင့်ရေးနှစ်အတွက် သင်တန်းများ ဖွင့်လှစ်ဆဲကာလ ဖြစ်သော မတ်လအတွင်း၌ COVID-19 ကူးစက်ရောဂါ ဖြစ်ပွားမှု စတင်လာသောကြောင့် မတ် (၁၆) ရက်နေ့မှ စတင်ကာ ဗဟိုဝန်ထမ်းတက္ကသိုလ် များတွင် ဖွင့်လှစ်ဆဲသင်တန်းများအား ပိတ်သိမ်းခဲ့သည်။
ယခုအခါ နိုင်ငံ့ဝန်ထမ်းများအား စဉ်ဆက်မပြတ် လေ့ကျင့်သင်ကြားသွားနိုင်ရေးအတွက် အွန်လိုင်း သင်ကြားမှု စနစ်ဖြင့် ပြောင်းလဲဖွင့်လှစ် သင်ကြားပို့ချနိုင်ရေးအတွက် သက်ဆိုင်ရာ အဖွဲ့အစည်းများ၏ ခွင့်ပြုချက်ရယူ၍ အောက်ပါအတိုင်း အသေးစိတ် ဆောင်ရွတ်ခဲ့သည်။ ၎င်းတို့မှာ..
_0509.png)
အွန်လိုင်းသင်ကြားမှု စနစ်ကို အသုံးပြု၍ သင်ကြားခြင်းမှာ ပထမဦးဆုံး ဖြစ်ပြီး သင်တန်းကာလမှာ အောက်တိုဘာ (၅) ရက်မှ (၂၈) ရက်အထိ ရက်သတ္တလေးပတ် ကြာမြင့်မည် ဖြစ်သည်။ ဗဟိုဝန်ထမ်း တက္ကသိုလ်တစ်ခုစီ သင်တန်းသား (၁၀၀) စီဖြင့် တန်းခွဲတစ်ခုလျှင် (၅၀) ပါ တန်းခွဲနှစ်ခုစီခွဲကာ သင်ကြားသွားမည်ဖြစ်သည်။
သင်ကြားမည့် ဘာသာရပ်များအနေဖြင့် စီမံခန့်ခွဲမှု ပညာဘာသာရပ်၊ စီးပွားရေး ပညာဘာသာရပ်၊ ဥပဒေ ပညာဘာသာရပ်၊ လူမှုရေးသိပ္ပံ ဘာသာရပ်၊ နိုင်ငံရေးသိပ္ပံ ဘာသာရပ်၊ အင်္ဂလိပ်စာ ဘာသာရပ်နှင့် သတင်းအချက်အလက်နှင့် ဆက်သွယ်ရေး နည်းပညာဘာသာရပ်တို့ဖြစ်ပြီး ဆရာ၊ ကျောင်းသား အပြန် အလှန်ဆွေးနွေးခြင်း (Interactive Learning) အတွက် Zoom Cloud Meetings ကိုလည်းကောင်း၊ သင်ခန်းစာများသင်ယူခြင်း၊ ဆွေးနွေးမေးမြန်းခြင်းနှင့် ကိုယ်တိုင်လေ့လာခြင်းတို့အတွက် Google Classroom ကိုလည်းကောင်း အသုံးပြုသွားမည်ဖြစ်သည်။
_0396.png)
Ref: the mirror daily
Sign In with Google