မန္တလေးမြို့ရှိ မန္တလာသီရိအားကစားကွင်းကို Covid-19 သံသယလူနာများအတွက် အသုံးပြုမည်

ကိုဗစ်ဒုတိယလှိုင်းမှာ အထိနာခဲ့တဲ့ ရန်ကုန်မြို့ရဲ့ ကူးစက်မှုနှုန်းကိုလျော့ချနိုင်ခဲ့ပေမယ့် ရွှေမန်းမြို့ရဲ့ ကူးစက်မှုက ပျံ့နှံ့လျက်ရှိပါတယ်။

တစ်နေ့ထက်တစ်နေ့ ကူးစက်နှုန်းမြင့်တက်နေတဲ့ အတွက် ကိုဗစ်သံသယလူနာတွေကို ထားဖို့အတွက် နေရာလိုအပ်ချက်တွေ ရှိနေပါတယ်။

ဧရာဝတီဖောင်ဒေးရှင်းက ဒီဇင်ဘာ ၂၂ ရက်နေ့ကတည်းက ဧရာဝတီစင်တာ (မန္တလေး) မှာ သံသယလူနာတွေကို စမ်းသပ်နေပြီ ဖြစ်ပါတယ်။

ဒါ့ကြောင့် ဧရာဝတီဖောင်ဒေးရှင်းက COVID-19 သံသယဖြစ်ဖွယ်လူနာများကို မန္တလေးမြို့ရှိ မန္တလာသီရိအားကစားကွင်းမှာ အဆင်ပြေစွာနေထိုင်ရန် အစီအစဉ်များပြုလုပ်နေတယ်လို့ ဖောင်ဒေးရှင်းမှတာဝန်ရှိသူများက ပြောကြားခဲ့ပါတယ်။

COVID-19 စမ်းသပ်မှုနှင့် စောင့်ရှောက်ရေးစင်တာမှာ သံသယရှိလူနာကို ပထမဆုံးစမ်းသပ်မှုပြုလုပ်မှာ ဖြစ်ပြီး Negative ရလဒ်ထွက်တဲ့သူတွေကို ဒုတိယအကြိမ် ထပ်စစ်ဆေးမှာ ဖြစ်ပါတယ်။

ပထမစမ်းသပ်မှုမှာ Negative ရလဒ်ထွက်တဲ့သူတွေကို ဒုတိယစမ်းသပ်ဖို့ မလုပ်မီ ၄၈ နာရီအတွင်း အေးအေးချမ်းချမ်းနေထိုင်ဖို့ အတွက် မန္တလေးမြို့ရှိ ဘက်စုံသုံးအားကစားကွင်းမှာ ထားရှိပေးမှာ ဖြစ်ပါတယ်။

COVID-19 positive လူနာများကို ကျန်းမာရေးနှင့် အားကစား၀န်ကြီးဌာနရဲ့ ကြီးကြပ်မှုနဲ့ သက်ဆိုင်ရာ ဆေးရုံများ သို့မဟုတ် ကုသရေးဌာနများသို့ သယ်ဆောင်သွားမှာ ဖြစ်ပါတယ်။

ဘက်စုံသုံးအားကစားကွင်းမှာ ကုတင် ၁၀၀ ရှိပြီး ဧရာဝတီဖောင်ဒေးရှင်းက COVID-19 လူနာများနှင့် စေတနာ့ဝန်ထမ်းများအတွက် နေရာထိုင်ခင်းနှင့် အစားအစာများကို တာဝန်ယူလိမ့်ပေးသွားမှာ ဖြစ်ပါတယ်။

ဧရာဝတီဖောင်ဒေးရှင်းက COVID-19 ကုသရေးဌာနအတွက် အဆင့်မြင့်ဆေးပစ္စည်းကိရိယာများတပ်ဆင်ထားပြီး ကျောက်ကပ်ဆေးကြောစက်များ၊ ဘေးကင်းလုံခြုံသော ဓာတ်ခွဲခန်းများနှင့် ICU / HDU စင်တာအတွက် မရှိမဖြစ်လိုအပ်သော ဆေးပစ္စည်းကိရိယာများတပ်ဆင်ပြီးဖြစ်ပါတယ်။

ဗိုင်းရပ်စ်စစ်ဆေးမှုအတွက် စမ်းသပ်မှုခန်းနှင့် စောင့်ရှောက်မှုစင်တာကိုလည်း ပြင်ဆင်ထားပြီးဖြစ်ပါတယ်။

ကျန်းမာရေးနှင့် အားကစား၀န်ကြီးဌာနနှင့် ပူးပေါင်းကာ ဧရာ၀တီဖောင်ဒေးရှင်းက ရန်ကုန်မှာကုတင် ၁၀၀၀ ဆံ့ကိုဗစ်ကုသရေးစင်တာနှင့် မန္တလေးမှာ ကုတင် ၃၇၅လုံးဆံ့ စင်တာကို တည်ဆောက်ကူညီထားပါတယ်။

By Mandalay Directory
Photo Credit Ko Moe