တရုတ်ပြည်သူ့ သမ္မတနိုင်ငံ၏ COVID-19 ကာကွယ်ဆေးအား အောက်တိုဘာလ (၆) ရက်နေ့၌ နိုင်ငံတွင်း အသုံးပြုနေပြီ ဖြစ်သည့် ၎င်းတို့နိုင်ငံထုတ် ကာကွယ်ဆေးကို အကဲဖြတ်ရန်အတွက် ကမ္ဘာ့ကျန်းမာရေးအဖွဲ့နှင့် ဆွေးနွေးခဲ့ပြီး ဖြစ်ပါသည်။
ထိုကဲ့သို့ ဆွေနွေးခဲ့ပြီးနောက် တရုတ်နိုင်ငံ အနေဖြင့် ၎င်းတို့ နိုင်ငံအတွင်းတွင် အမေရိကန် ဒေါ်လာ (၆၀) ဖြင့် စတင်ရောင်းချခဲ့ပြီးနောက် အောက်တိုဘာ (၂၅) ရက်နေ့တွင် ဘရာဇီးနိုင်ငံရှိ ကျန်းမာရေးအဖွဲ့အစည်းတစ်ခုက တရုတ်နိုင်ငံမှ အလားအလာ ကောင်းသော ဗိုင်းရပ်စ်ကာကွယ်ဆေးတစ်မျိုး တင်သွင်းရန် တရားဝင်ခွင့်ပြုခဲ့ခြင်း ဖြစ်ပါသည်။
တရုတ်ဇီဝဆေးဝါးကုမ္ပဏီ တစ်ခုဖြစ်သော ဆီနိုဗက်မှ ထုတ်လုပ်သည့် ကိုရိုနာဗိုင်းရပ်စ် ကာကွယ်ဆေး အလုံးရေ ခြောက်သန်း တင်သွင်းမည်ဟု ဘရာဇီး ကျန်းမာရေးဆိုင်ရာ စည်းကမ်း ထိန်းသိမ်းရေးအဖွဲ့က ထုတ်ပြန်ချက်တစ်ခုအတွင်း ပြောကြားခဲ့သည်။
ပြည်တွင်း၌ အတည်မပြုရသောကြောင့် အလားအလာကောင်းသော ဗိုင်းရပ်စ်ကာကွယ် ဆေးကို ဘရာဇီးပြည်သူများသို့ မထိုးနိုင်သေးကြောင်း ဘရာဇီးနိုင်ငံ အစိုးရ၏ ထုတ်ပြန်ချက်တွင် ပါဝင်ပြောဆိုထားသည်။
၎င်းတို့အနေဖြင့် ဘရာဇီးနိုင်ငံ၌ တရုတ်နိုင်ငံမှ ထုတ်လုပ်သော ကိုရိုနာဗိုင်းရပ်စ် ကာကွယ်ဆေးများ ဝယ်ယူရန် ကျန်းမာရေးဝန်ကြီးက သဘောတူပြီးနောက် ယခုကဲ့သို့ ကြေညာခဲ့ခြင်းဖြစ်သည်။
အလားအလာကောင်းသော ကိုရိုနာဗိုင်းရပ်စ်ကာကွယ်ဆေး အလုံးရေ သန်း ၁၀၀ ဝယ်ယူရန် အောက်စဖို့ဒ်တက္ကသိုလ်မှ ဆေးဝါးထုတ်လုပ်ရေးကုမ္ပဏီ တစ်ခုဖြစ်သော အက်စတာဇန်နီကာတို့နှင့် သဘောတူညီချက်တစ်ရပ်ရရှိခဲ့ပြီး ဖြစ်ကြောင်း ဘရာဇီး အစိုးရက ဇွန်လအတွင်း ကြေညာခဲ့သည်။
သဘောတူညီမှုရရှိထားသောကြောင့် ယခုကဲ့သို့ တရုတ်နိုင်ငံမှ ရောဂါကာကွယ်ဆေးကို ဝယ်ယူဖြစ်ကြောင်း သိရှိရသည်။ ထို့အပြင် တရုတ်နိုင်ငံ အနေဖြင့် ၎င်းတို့နိုင်ငံ အတွင်းတွင် အမေရိကန် ဒေါ်လာ (၆၀) ဖြင့် ရောင်းချခဲ့သော်လည်း ဘရာဇီးနိုင်ငံသို့ မည်မျှဖြင့် ရောင်းချမည် ဖြစ်ကြောင်း အတိကျ ပြောကြားထားခြင်း မရှိသေးပေ။
Ref:Cnn news
Sign In with Google