တရုတ်၊ အိန္ဒိယနှင့် ရုရှားနိုင်ငံများမှ COVID-19 ကာကွယ်ဆေး ထုတ်လုပ်မှု နောက်ဆုံးအဆင့် ရောက်ရှိ

ကမ္ဘာတစ်ဝန်းမှ လူတွေ အနေနဲ့တော့ ယနေ့အချိန်အခါမှာ   မျှော်လင့်ချက် ကြီးကြီးနဲ့ စောင့်မျှော်နေကြတဲ့ သတင်းကတော့ COVID-19 ကာကွယ်ဆေး ဘယ်တော့ ပေါ်မှာလဲဆိုတဲ့ သတင်းပါပဲ။ 

အိန္ဒိယဝန်ကြီးချုပ် နာရန်ဒရာမိုဒီကတော့ နိုင်ငံတကာ ကုလသမဂ္ဂတွင်  မိန့်ခွန်းပြောကြားရာမှာ  COVID-19 ဖြစ်ပွားနေစဉ် ကာလအတွင်း သိပ္ပံပညာရှင် တွေက ကာကွယ်ဆေး ဆက်လက် ရှာဖွေတွေ့ရှိမယ် ဆိုရင်   အိန္ဒိယနိုင်ငံဟာ    တစ်တိုင်းပြည်လုံးအနှံ့  COVID-19 ကာကွယ်ဆေးတွေ    အလုံးအရင်းနဲ့    ထုတ်လုပ်ဖို့အတွက် အဆင်သင့်ပဲလို့ ပြောကြားခဲ့ပါတယ်။ 

တရုတ်နိုင်ငံကလည်း COVID-19 ကာကွယ်ဆေးအတွက်  အရေးပေါ်အခြေအနေမှာ   အသုံးပြုဖို့ အစီအစဉ် မစတင်မီအချိန်ကတည်းက ကမ္ဘာ့ကျန်းမာရေးအဖွဲ့ ကြီးရဲ့ နားလည်မှုနဲ့   ထောက်ခံမှုကို  ရရှိခဲ့တယ်လို့   တရုတ် ကျန်းမာရေးအရာရှိတွေက  စက်တင်ဘာ (၂၅) ရက်မှာ ပြောကြားခဲ့ ပါတယ်။  

ယခုလအတွင်း ရရှားနိုင်ငံရဲ့ Sinopharm  ကုမ္ပဏီ ဝက်ဘ်ဆိုက်ကနေ တင်တဲ့  သတင်းမှာတော့ ကာကွယ်ဆေးနှစ်မျိုးကို   အရေးပေါ်ကာကွယ်ဆေးပေးရေး အစီအစဉ်အောက်မှာ အသုံးပြုခဲ့တယ်လို့  ဖော်ပြထားပါတယ်။ အဲဒီကာကွယ်ဆေးတွေကို ဆေးဘက်ဆိုင်ရာကျွမ်းကျင်ပညာရှင်တွေ၊  ကူးစက်မှုမြင့်မားတဲ့နိုင်ငံတွေမှာ တာဝန်ထမ်းဆောင် နေရတဲ့  သံတမန်တွေ၊  နိုင်ငံရပ်ခြားမှာ အလုပ်လုပ်ကိုင်နေကြတဲ့ တရုတ်နိုင်ငံပိုင် လုပ်ငန်းကုမ္ပဏီတွေက လုပ်သားတွေမှာ အသုံး ပြုခဲ့ပြီး ရောဂါကူးစက်ခံရမှုတွေ မတွေ့ရှိရဘူးလို့ တွေ့ရှိရပါသည်။ 

တစ်ကမ္ဘာလုံးအတိုင်းအတာနဲ့  ကြည့်မယ်ဆိုရင် ကမ္ဘာပေါ် မှာ လူသားတွေနဲ့ စမ်းသပ်မှုအဆင့်အထိ ရောက်နေပြီဖြစ်တဲ့ ကာကွယ်ဆေးပေါင်း (၃၈) မျိုး ရှိကြောင်း သိရပြီး အဲဒီထဲကမှ (၉) ခုဟာ နောက်ဆုံး အဆင့်စမ်းသပ်မှုကို   ရောက်နေကြပြီလို့    ကမ္ဘာ့ကျန်းမာရေးအဖွဲ့ကြီးက ပြောကြားခဲ့ကြောင်း သိရသည်။ 

Ref: CNN