မန္တလေးဈေးချို အကျိုးဆောင် အဖွဲ့မှ ဈေးသူဈေးသားများအား ကြေညာချက် (၇)ချက် ထုတ်ပြန်

ပြီးခဲ့သော အောက်တိုဘာလ၊ ၂၀ရက်နေ့က မန္တလေးမြို့ ဈေးချိုတော်နှင့် အကျိုးဆောင်အဖွဲ့က ဈေးသူဈေးသားများနှင့် ကုန်ပစ္စည်း ထုတ်ယူလိုသော ဆိုင်ခန်းပိုင်ရှင်များအား စည်းကမ်းချက် (၇)ချက်နှင့်အညီ လာရောက် ယူနိုင်ကြောင်း လူမှုကွန်ရက် စာမျက်နှာ မှတစ်ဆင့် ကြေညာချက် ထုတ်ပြန်ခဲ့သည်။ 

ကြေညာချက် (၇) ချက်မှာ အောက်ပါအတိုင်း ဖြစ်ပါသည်။ 

(၁)  ၂၁-၁၀- ၂၀၂၀ (ဗုဒ္ဓဟူးနေ့) တွင်

• A စပယ်ရုံ၊ 
• C သရဖီရုံ၊ 
• E သဇင်ရုံ၊ 
• G စကားဝါရုံ ၊ 
• မြေညီထပ်၊ 
• ပထမထပ်၊ 
• ဒုတိယထပ်ရှိ ရုံများနှင့် 
• မြောက်ဖက် တိုက်တန်းကြီး ဈေးရုံ

စသည်တို့ကို မနက် (၈) နာရီမှ (၁၂) နာရီအတွင်း ပစ္စည်းများ သယ်ယူခွင့် ပြုမည်။ 

(၂)  ၂၂-၁၀- ၂၀၂၀ (ကြာသပတေးနေ့) တွင်

• B နှင်းဆီရုံ၊ 
• D ယုဇနရုံ၊ 
• F ကံကော်ရုံ၊ 
• H မြလေးရုံ၊ 
• မြေညီထပ်၊ 
• ပထမထပ်၊ 
• ဒုတိယထပ်၊ 
• တတိယထပ်၊ 
• စက်လှေကား ပတ်လည်ဆိုင်ခန်းများ အားလုံးနှင့် 
• တောင်ဖက် တိုက်တန်းကြီး ဈေးရုံ 

စသည်တို့ကို မနက် (၈) နာရီမှ (၁၂) နာရီအတွင်း ပ္စည်းများ သယ်ယူခွင့် ပြုမည်။

(၃) စျေးသို့ လာရောက်ကြသူများ အားလုံးသည် Mask နှင့်အတူ Face Shield ကိုပါ စနစ်တကျ ဝတ်ဆင်လာရမည် ဖြစ်သည်။ 

(၄) သက်ဆိုင်ရာ ရုံကိုယ်စားလှယ်များမှ စိစစ်ခွင့်ပြုကာ လူဦးရေ စာရင်းအတိုင်း ထုတ်ပေးထားသော အပြာရောင် လည်ဆွဲ ကတ်ပြားများကိုသာ ဝတ်ဆင်လာရပါမည်။ လည်ဆွဲကတ် မပါသည့် မည်သူကိုမဆို ဝင်ခွင့် ပြုမည် မဟုတ်ပါ။ လိမ္မော်ရောင် ကုန်ထမ်း လည်ဆွဲကတ်ဖြင့်လည်း ဝင်ခွင့် ပြုမည် မဟုတ်ပါ။ 

(၅) စျေးသို့ လာရောက်ကြသူများ အားလုံး ကိုယ်ရေး အချက်အလက်များကို သက်ဆိုင်ရာ ရုံလူကြီးထံတွင် ပေးထားရမည် ဖြစ်သည်။ 

(၆) Covid - 19 ပိုး တွေ့ရှိထားသော ရပ်ကွက်များ၊ ပိုးတွေ့ရှိသူနှင့် နီးစပ်သော ရပ်ကွက်တွင် နေထိုင်သူများနှင့် ကျန်းမာရေး မကောင်းမွန်သူများ လာရောက်ခွင့် မပြုပါ။ 

(၇) ကြိုတင် ကာကွယ်မှုကို အလေးထားသော အားဖြင့် လိုအပ်သော ကုန်ပစ္စည်းကိုသာ ထုတ်ယူကြရန်နှင့် လူစုလူဝေး မဖြစ်စေရန် လူဦးရေကို အတတ်နိုင်ဆုံး လျှော့ချ၍ လာရောက်ပေးကြပါရန်။ 

စသဖြင့် ကြေညာချက်များ ထုတ်ပြန်ထားပြီး စည်းကမ်းချက်များအတိုင်း မပျက်မကွက် လိုက်နာ ပေးကြရန်လည်း ဈေးချို အကျိုးတော်ဆောင် အဖွဲ့က မေတ္တာ ရပ်ခံထားကြောင်း သိရသည်။ 

Source : The Mandalay News