(၁၄) ကြိမ်မြောက် ပြင်ဦးလွင်မြို့ ပန်းပွဲတော်အထိမ်းအမှတ်အတွက် ဖိတ်ခေါ်ဓာတ်ပုံပြိုင်ပွဲကျင်းပမည်

ပန်းပွဲတော်စတင်ကျင်းပမယ့်ရက်အတွင်း အမျိုးသားကန်တော်ကြီးဥယျာဉ် ပန်း ပွဲတော်ကာလတွင် ရိုက်ကူးထားတဲ့ ဓာတ်ပုံများနဲ့ ပါဝင်ယှဉ်ပြိုင်ရမှာ ဖြစ်ပါတယ်။ ပြိုင်ပွဲဝင်များမှ ဖုန်း၊ ဒရုန်းစတာတွေနဲ့ ရိုက်ကူးထားတဲ့ ဓာတ်ပုံများကို ပါဝင်ယှဉ်ပြိုင်ခွင့်ပြုမှာ မဟုတ်ပါဘူး။ ဘယ်ကင်မရာအမျိုးအစားနဲ့မဆို ရိုက်ကူးထားတဲ့ ပွဲတော်ပုံရိပ်ပါ ဓာတ်ပုံများအား ၁၅ လက်မ × ၁၀ လက်မ အရွယ်ကူးယူ တင်သွင်းရမှာ ဖြစ်ပါတယ်။

ပြိုင်ပွဲဝင်တစ်ဦးကို ဓာတ်ပုံအမျိုးအစား ငါးပုံအထိ တင်သွင်းယှဉ်ပြိုင် ခွင့်ပြုမှာဖြစ်ပြီး ပြိုင်ပွဲဝင်ဓာတ်ပုံများကို ၂၀၂၀ ဇန်နဝါရီ ၉ ရက် နောက်ဆုံးထားပြီး ခင်မောင်ဝင်း ပန်းရွှေပြည်ဓာတ်ပုံတိုက် ရွှေဘိုလမ်း ပြင်ဦးလွင်မြို့ ဖုန်း-ဝ၉-၂၀၄၄၉၃၇နှင့် တင်မြင့်ဆွေ Friend ဓာတ်ပုံတိုက် မြေတိုင်းတိုက်တန်း အထက (၁)ရှေ့ ဗိုလ်ချုပ်လမ်း ဖုန်း-ဝ၉-၄၃၁၀၃၂၁၃ ကို ပေးပို့ရမှာပဲ ဖြစ်ပါတယ်။

Read More>>>မိမိတို့ရဲ့ဘဝရှေ့ရေးကို ကိုယ်တိုင်ထုဆစ်ပုံဖော်ချင်တဲ့လူငယ်တွေအတွက် လက်လွှတ်မခံသင့်တဲ့ ဆွေးနွေးပွဲ

ပြိုင်ပွဲဝင်ပုံများကို ဇန်နဝါရီ ၁၂ ရက် အမျိုးသားကန်တော်ကြီး ဥယျာဉ်ရှင်းလင်းဆောင်တွင် ရွေးချယ်ပြီဒ ဇန်နဝါရီ ၁၅ ရက်၌ ပြိုင်ပွဲ ဆုရဓာတ်ပုံများကို ဥယျာဉ်အတွင်းမှာပဲ ဆုချီးမြှင့်သွားမှာပါ။ (၁၄) ကြိမ်မြောက် အမျိုးသား ကန်တော်ကြီး ဥယျာဉ်(ပြင်ဦးလွင်)ပန်းပွဲတော် ဖိတ်ခေါ်ဓာတ်ပုံပြိုင်ပွဲမှ ဆုရရှိသူများကို ပထမဆုကျပ် ၁၀ သိန်း၊ ဒုတိယဆု ကျပ် ခုနစ်သိန်း၊ တတိယဆု ကျပ် ငါးသိန်းနှင့် နှစ်သိမ့်ဆု ငါးဆုအတွက် တစ်ဆုကို ကျပ်တစ်သိန်းစီ ချီးမြှင့်မှာ ဖြစ်ပါတယ်။ ဖိတ်ခေါ်ဓာတ်ပုံပြိုင်ပွဲဟာ (၆) ကြိမ်မြောက် ကျင်းပခြင်းလည်း ဖြစ် ပါတယ်။

My Mandalay