ကမ္ဘာသို့ တင်ပို့မည့် မြန်မာနိုင်ငံရဲ့ အထင်ကရ ပုဂ္ဂိုလ်ပုံပါ ရွှေဒင်္ဂါးပြားများ

မြန်မာနိုင်ငံအနေနဲ့ စီးပွားရေး၊ လူမှုရေးတွေကို တိုးချဲ့လျက်ရှိရာ ယခုအခါမှာလည်း ကမ္ဘာနဲ့ရင်ဘောင်တန်းနိုင်အောင် ကြိုးပမ်းလျက်ရှိပါတယ်။

ကမ္ဘာမှာ မြန်မာနိုင်ငံကို အမှတ်တံဆိပ်တစ်ခုအနေနဲ့ သိနေအောင် ဗိုလ်ချုပ်အောင်ဆန်းပုံ (သို့) ဒေါ်အောင်ဆန်းစုကြည်ပုံပါတဲ့ ရွှေဒင်္ဂါးပြားတွေကို ကမ္ဘာ့ရွှေဈေးကွက်သို့ တင်ပို့ရောင်းချနိုင်ရန် ကြိုးစားနေတယ်လို့ သိရပါတယ်။

"ဗိုလ်ချုပ်အောင်ဆန်း နဲ့ ဒေါ်အောင်ဆန်းကြည် တို့က မြန်မာနိုင်ငံရဲ့ အထင်ကရ ပုဂ္ဂိုလ်တွေဖြစ်တယ်။ ဒါကြောင့် ဗိုလ်ချုပ်တို့ ပုံနဲ့ဒင်္ဂါးပြားထုတ်ရင် မြန်မာနိုင်ငံအတွက် အမှတ်တံဆိပ်တစ်ခုလိုဖြစ်သွားမယ်။ ဒါကြောင့် ဗိုလ်ချုပ်တို့ပုံနဲ့ ကမ္ဘာ့ရွှေဈေးကွက်ကို တင်ပို့ဖို့ကြိုးစားရတာ ဖြစ်ပါတယ်"

"ဒင်္ဂါးပြားတွေသာ တင်ပို့ခွင့်ရခဲ့ရင် ပြည်တွင်း မှာရှိတဲ့ ရွှေဈေးကွက် ကနိုင်ငံတကာနဲ့ ချိတ်ဆက်ပြီးထွက်ရှိလာတဲ့ရွှေဟာ ကမ္ဘာ့ဈေးနဲ့ အရောင်းအဝယ်ဖြစ်မှာဖြစ်ပါတယ်။ လက်ရှိမှာ က ကမ္ဘာ့ရွှေဈေး နဲ့ မြန်မာ့ရွှေဈေးက ကျပ်၃၀,၀၀၀၊ ကျပ်၄၀,၀၀၀ လောက်ကွာတတ်တယ်။ ကမ္ဘာကိုသာ တင်ပို့နိုင်ရင် ကမ္ဘာ့ဈေးနဲ့ မြန်မာ့ဈေးက တညီတည်းဖြစ်သွားမှာပါ" လို့ ရန်ကုန်တိုင်းဒေသကြီး ရွှေလုပ်ငန်းရှင်များအသင်း ဥက္ကဋ္ဌ ဦးမျိုးမြင့်က ပြောကြားခဲ့ပါတယ်။

ဗိုလ်ချုပ်အောင်ဆန်းပုံ (သို့) ဒေါ်အောင်ဆန်းစုကြည်ပုံပါတဲ့ ရွှေဒင်္ဂါးပြားတွေကို တင်ပို့ခွင့်ရပါက ကမ္ဘာ့စံချိန်နဲ့ အညီ အချိန်အတွယ်ကို အောင်စနဲ့သာ တင်ပို့သွားမှာ ဖြစ်ပြီး တစ်အောင်စကို မြန်မာ့အလေးချိန် (၁.၇၃၆၁) ကျပ်သားရှိပါတယ်။