မန္တလေးတိုင်းရှိ မြို့နယ်အားလုံးနီးပါး အောက်တိုဘာ (၂၆) ရက်မှ စ၍ ယာယီ မီးပျက်မည်

မန္တလေးတိုင်း ဒေသကြီး အတွင်းရှိ မြို့နယ်များတွင် အောက်တိုဘာလ၊ (၂၆) ရက်မှ စ၍ (၂၉) ရက်နေ့အထိ မြို့နယ်အလိုက် ယာယီ မီးဖြတ်တောက်မည် ဖြစ်ကြောင်း မန္တလေး လျှပ်စစ် ဓာတ်အားပေးရေး ကော်ပိုရေးရှင်းမှ ကြေညာထားကြောင်း သိရသည်။

ဓာတ်အား ဖြတ်တောက်ရခြင်း အကြောင်းအရင်းများမှာ ...

• ပုံမှန် ဓာတ်အားလိုင်း ရှင်းလင်း ပြုပြင် ထိမ်းသိမ်းရေး လုပ်ငန်းများ လုပ်ဆောင်ခြင်း၊
• ဓာတ်အားခွဲရုံများ၊
• ဓာတ်အားလိုင်း ကြံ့ခိုင်မှု ရှိစေရေး လုပ်ဆောင်ခြင်းများနှင့်
• ဓာတ်အားလိုင်း အသစ် တည်ဆောက်ရေး လုပ်ငန်းများ

စသည်တို့အတွက် လျှပ်စစ်ဓာတ်အား ယာယီဖြတ်တောက်ခြင်း ဖြစ်သည်ဟု အဆိုပါ ကော်ပိုရေးရှင်း စီမံဌာန၊ မန္တလေးခရိုင် လက်ထောက် အထွေထွေ မန်နေဂျာ ဦးအေးကျော်က ဆိုသည်။

ဓာတ်အား ပြတ်တောက်မည့် ရက်များမှာမူ အောက်ပါအတိုင်း ဖြစ်သည်။

(၂၆.၁၀.၂၀၂၀) ရက်

ချမ်းအေးသာစံ၊ ပြင်ဦးလွင်၊ မတ္တရာနှင့် စဉ့်ကူးမြို့နယ်။
ပြတ်တောက်မည့် အချိန် - နံနက် (၉) နာရီမှ နေ့လည် (၁၂)နာရီ အထိ။

(၂၇.၁၀.၂၀၂၀) ရက်

ပြတ်တောက်မည့် မြို့နယ်များ - ချမ်းအေးသာစံ၊ မဟာအောင်မြေ၊ ချမ်းမြသာစည်၊ ပြည်ကြီးတံခွန်၊ အမရပူရ၊ ပုသိမ်ကြီး၊ ကျောက်ဆည်၊ စဉ့်ကိုင်၊ တံတားဦး၊ မိတ္ထီလာ၊ သာစည်၊ ဝမ်းတွင်း၊ မြင်းခြံ၊ တောင်သာ၊ နွားထိုးကြီး၊ ငါန်းဇွန်၊ ညောင်ဦး၊ ငါ့သရောက်၊ ကျောက်ပန်းတောင်းနှင့် ရမည်းသင်းမြို့နယ်။

ပြတ်တောက်မည့် အချိန် - နံနက် (၉) နာရီမှ စ၍ နေ့လည် (၁၂) နာရီ သို့မဟုတ် နေ့လည် (၂) နာရီအထိ။

(၂၈.၁၀.၂၀၂၀) ရက်

ပြတ်တောက်မည့် မြို့နယ်များ - ချမ်းအေးသာစံ၊ မတ္တရာ၊ ပြင်ဦးလွင်၊ စဉ့်ကူးနှင့် သပိတ်ကျင်း မြို့နယ်။

ပြတ်တောက်မည့် အချိန် - နံနက် (၉) နာရီမှ နေ့လည် (၁၂)နာရီ အထိ။

(၂၉.၁၀.၂၀၂၀) ရက်

ပြတ်တောက်မည့် မြို့နယ်များ - အောင်မြေသာစံ၊ ချမ်းအေးသာစံ၊ မဟာအောင်မြေ၊ ပြည်ကြီးတံခွန်၊ ပုသိမ်ကြီး၊ အမရပူရ၊ ကျောက်ဆည်၊ စဉ့်ကိုင်၊ မိတ္ထီလာ၊ သာစည်၊ မြင်းခြံ၊ တောင်သာ၊ နွားထိုးကြီး၊ ညောင်ဦး၊ ပုဂံ၊ ကျောက်ပန်းတောင်းနှင့် ရမည်းသင်း မြို့နယ်။

ပြတ်တောက်မည့် အချိန် - နံနက် (၉)နာရီမှ အများဆုံး (၆) နာရီ ကြာသည်အထိ။