လူဦးရေ (၁၅) သန်းအတွက် အိန္ဒိယမှ ကိုဗစ်ကာကွယ်ဆေးဝယ်ယူထား

မြန်မာနိုင်ငံ၏ လူဦးရေ (၁၅)သန်းအတွက် COVID-19 ကာကွယ်ဆေးအလုံးရေ သန်း (၃၀)ဝယ်ယူရန် အိန္ဒိယနိုင်ငံမှ Serum institute နှင့် သဘောတူ ထားပြီး ဇန်နဝါရီ ၁၄ ရက်မတိုင် ခင်ပထမအကြိမ် ငွေပေးချေမည် ဖြစ်ကြောင်း နိုင်ငံတော်သမ္မတရုံး ပြောရေးဆိုခွင့်ရှိသူဦးဇော်ဌေးကပြောသည်။

လူဦးရေ ၁၅ သန်းအတွက် ဝယ်ယူရေးသဘောတူစာချုပ်ကို ဒီဇင်ဘာ ၂၄ရက်တွင် ချုပ်ဆိုခဲ့ပြီး ဇန်နဝါရီ ၅ရက်တွင် ကုန်အမှာစာ ပို့လိုက်ပြီဖြစ်ကြောင်း သိရှိရသည်။ အောက်စဖို့ဒ်တက္ကသိုလ်မှ ထုတ်လုပ်သော ကိုဗစ်ကာကွယ် ဆေး AstraZeneca ကို Serum Institute of India က Covishield အဖြစ်ထုတ်လုပ်ခြင်းဖြစ် ပြီး ဆေးသန်း ၃၀အတွက် အမေ ရိကန်ဒေါ်လာသန်း ၁၅၀ ကျသင့် မည်ဖြစ်ပြီး နှစ်ရစ်ခွဲပေးချေရမည် ဖြစ်သည်။ 

ပထမအရစ်ပေးချေရမည့် အမေရိကန်ဒေါ်လာ (၇၅)သန်းကို ဇန်နဝါရီ (၁၄) ရက်တွင် နောက်ဆုံး ထားပြီး MFDB ဘဏ်မှတစ်ဆင့် ငွေလွှဲရမည်ဖြစ်ပြီး ကျန်ငွေ ဒေါ်လာ ၇၅သန်းကို ပထမမှာထားသော ဆေးထဲမှ ဆေး ၁၀သန်းရောက်လာပြီး ပထမဆုံး ရုံးဖွင့်ရက်တွင်လွှဲရမည် ဖြစ်သည်။ 

အစိုးရသည် ကိုဗစ်-၁၉ ကာကွယ်ဆေး ဝယ်ယူရရှိရေး ရန်ပုံငွေထူထောင်ပြီး ဇန်နဝါရီ ၇ ရက်အထိလူပုဂ္ဂိုလ် (၁၁၇) ဦးက မြန်မာကျပ်ငွေသန်းပေါင်း၁,၄၀၀ နီးပါး(၁ ဒသမ ၄ ဘီလီယံနီးပါး) နှင့် လူပုဂ္ဂိုလ်ငါးဦးက အမေရိကန် ဒေါ်လာ (၂. ၅၅) သန်း လှူဒါန်းထားသည်။