ဘရားဇီးနိုင်ငံထုတ် လေယာဥ်အသစ်များဖြင့် မန္တလေးအပါအ၀င် ပြည်တွင်းခရီးစဥ်များ ပြေးဆွဲမည်

ကိုဗစ် ကူးစက်ရောဂါ ဖြစ်ပွားမှု မတိုင်ခင်ကပင် မှာယူထားသည့် ဘရာဇီးနိုင်ငံထုတ် (Embraer E 190-100 LR XY- ALP)  လေယာဉ်အသစ်သည်   မြန်မာလေကြောင်းလိုင်း (MAI) ဒီဇင်ဘာ   (၂၃)  ရက်နေ့တွင်   ရန်ကုန်အပြည်ပြည် ဆိုင်ရာလေဆိပ်သို့      ရောက်ရှိလာသည်။  ‌

အဆိုပါ လေယာဥ်အသစ်သည် အပြည်ပြည်ဆိုင်ရာ    မြန်မာလေကြောင်းလိုင်းအတွက် ထပ်မံ ရောက်ရှိလာသည့်   လေယာဉ်သစ် ဖြစ်ပြီး (DB Company) မှ မှာယူတင်သွင်းခဲ့သည့်   လေယာဉ်ဖြစ်ပေသည်။

ယခင် ရောက်ရှိပြီးသား ဖြစ်သည့်  (Embraer)  လေယာဉ်ကဲ့သို့  (Long Range) ပျံသန်းနိုင်သည့် အမျိုးအစားဖြစ်ပြီး  အမြင့်ပေ (၄၀,၀၀၀)  ကျော်အထိ    ပျံသန်းနိုင်မည် ဖြစ်သည်။

ယင်းလေယာဉ်တွင် (Business  Class)   ထိုင်ခုံ(၆)ခုံနှင့်  (Economy Class) ထိုင်ခုံ(၉၂) ခုံ ပါရှိပြီး ပြည်တွင်းခရီးသွားများ    အကြိုက်တွေ့နေလျက် ရှိသည့်  လေယာဉ်အမျိုးအစားလည်း ဖြစ်သည်။ 

(MAI)  လေကြောင်းလိုင်းသည် (Embraer E190) လေယာဉ်ဖြင့်  ယခုပြေးဆွဲပေးနေသည့်   မြိတ်၊ စစ်တွေ၊ ထားဝယ်နှင့်  ကော့သောင်း မြို့တို့အပြင်    ဟဲဟိုး၊    ကျိုင်းတုံ၊ မြစ်ကြီးနားနှင့်   ပူတာအိုမြို့များသို့   ဇန်နဝါရီလမှ     စတင်ထပ်မံတိုးချဲ့  ပျံသန်းပြေးဆွဲပေးမည်   ဖြစ်သည့်အပြင်   နေပြည်တော်၊ ညောင်ဦးနှင့်   မန္တလေး  မြို့များသို့လည်း   တိုးချဲ့ပျံသန်းပြေးဆွဲသွားမည် ဖြစ်သည်။

ယင်းလေကြောင်းလိုင်း အနေဖြင့်  ပြည်တွင်းခရီးစဉ်များ ပျံသန်းပြေးဆွဲရာတွင် တာဝန်ထမ်းဆောင်မည့် (Pilot) များ၊ (Cabin Crew)  များနှင့် (Ground Staff)  များအားလုံးကို  ကိုဗစ်-ရောဂါပိုးကင်းရှင်းမှု စစ်ဆေးထားရှိ ပြီးသည် ဖြစ်သည့်အပြင် ကိုဗစ်- ရောဂါပိုး ကူးစက်ခြင်းမရှိအောင် (PPE) ဝတ်စုံများကို (Level-2) ဝတ်ဆင်ကာ တာဝန် ထမ်းဆောင်ကြမည်ဖြစ်သည်။

Source:MOI