ကဆုန်လပြည့်နေ့ ဗုဒ္ဓနေ့

ကဆုန်လပြည့်နေ့ ဗုဒ္ဓနေ့
ဗုဒ္ဓဘာသာ မြန်မာလူမျိုးတို့သည် ညောင်ရေသွန်းပွဲတော်ကို နှစ်စဉ်နှစ်တိုင်း ကဆုန်လပြည့်နေ့၌ ကျင်းပ ပူဇော်လေ့ရှိကြသည်။ ကဆုန်လပြည့်နေ့သည် ဗုဒ္ဓဘာသာဝင်တို့၏ နေ့ထူးနေ့မြတ်ကြီးတစ်နေ့ဖြစ်ပါသည်။

ကဆုန်လပြည့်နေ့၏ထူးခြားချက်များ

ဘုရားအလောင်းတော် သုမေဓာ ရှင်ရသေ့အား လေးဆူမြောက် ဂေါတမဘုရား အမှန်ဧကန်စင်စစ် ဖြစ်လိမ့်မည်ဟု ဒီပင်္ကရာမြတ်စွာဘုရားမှ ဗျာဒိတ်တော် ပေးသောနေ့

မဟာသက္ကရာဇ် ၆၈ ခု၊ ကဆုန်လပြည့် သောကြာနေ့သည် ဂေါတမဘုရား အလောင်းတော် သိဒ္ဓတ္ထမင်းသား ဖွားမြင်သောနေ့

မဟာသက္ကရာဇ် (၁၀၃) ခု ကဆုန်လပြည့် ဗုဒ္ဓဟူးနေ့သည် ဂေါတမဘုရားအလောင်း ဗောဓိပင်အောက်မှာ ဘုရားဖြစ်တော်မူသောနေ့

မဟာသက္ကရာဇ် ၁၄၈ ခု ကဆုန်လပြည့် အင်္ဂါနေ့သည် ဂေါတမဘုရား ပရိနှိဗ္ဗာန်စံတဲ့နေ့

ထို့ကြောင့် ဗုဒ္ဓဘာသာ မြန်မာလူမျိုးတို့သည် နှစ်စဉ်ကဆုန်လပြည့်နေ့သို့ရောက်တိုင်း
မြတ်ဗုဒ္ဓ၏ ရန်သူအပေါင်းကို အောင်နိုင်ရာ၊ သစ္စာလေးပါးကိုသိမြင်ရာ၊
ဘုရားအဖြစ်သို့ ရောက်တော်မူရာ ဌာနဖြစ်သော မဟာဗောဓိညောင်ပင်ကို ရည်မှန်းပြီး မိမိတို့ ကိုးကွယ်ဆည်းကပ်ရာ ကျောင်းကန်ဘုရားများ၌ စိုက်ပျိုးပူဇော်ထားအပ်သော ညောင်ပင် များကို ရေစင်သွန်းဖျန်း ပူဇော်လေ့ရှိကြသည်။

အဓိက ရည်ရွယ်ချက်မှာ ဗောဓိပင်များ မညှိုးနွမ်း မခြောက်သွေ့စေလိုရေးနှင့် မြတ်ဗုဒ္ဓကို အမှတ်ရစေလိုရေးပင် ဖြစ်သည်။

ဤကဲ့သို့ ဗောဓိညောင်ပင်များကို ရေစင်သွန်းဖျန်းပူဇော်ခြင်းကို ညောင်ရေသွန်းပွဲတော်
ဟု ခေါ်တွင်ကာ မြန်မာတို့၏ ၁၂လရာသီပွဲတော်အဖြစ် ပုဂံ၊ ပင်းယ၊ အင်းဝ၊ ကုန်းဘောင်ခေတ်များမှ ယနေ့ခေတ်အထိ စဉ်လာမပျက် ကျင်းပပူဇော်ခဲ့ကြပေသည်။

ကဆုန်လသည် မြန်မာလ ၁၂ ရာသီမှာ ဒုတိယလဖြစ်ပြီးသည်။ ပုဂံခေတ်ကျောက်စာမှာ ကဆုန်လကို ကုဆုန် ဟူ၍ ရေးထိုးကြသည်ကိုတွေ့ရသည်။ နောက်ပိုင်း ကု မှ က သို့ ပြောင်းလဲလာခြင်းဖြစ်မည်။

ကု၊က=ရေ ၊ ဆုန်=သွန်းလောင်းခြင်း ဟု အဓိပ္ပါယ်ရသည့်အတွက် ကဆုန်လကို ရေသွန်းလ (၀ါ) ရေလောင်းလ လို့ ခေါ်ဆိုပါသည်။

ကဆုန်လရာသီသည် နေအပူရှိန် ပြင်းလှသည့်အတွက် မြစ်ချောင်းအင်းအိုင်ရှိရေများ ခန်းခြောက် နည်းပါးလေ့ရှိသည်။

ဂေါတမဘုရားရှင်ပွင့်တော်မူရာ ဗောဓိပင်ကို ရည်မှတ်၍ ဗောဓိပင်အပွားတော်များကို တပျော်တပါး ရေစင်သွန်းလောင်းကြခြင်းဖြစ်သည့်အတွက် ကဆုန်လ ညောင်ရေသွန်းပွဲ ဟု ခေါ်တွင်လာခြင်းဖြစ် ပါသည်။

ဗုဒ္ဓဘာသာဝင်များအနေဖြင့် ဗောဓိပင်သည် ဘုရားရှင်အား ကိုယ်စားပြုသည့် ပရိဘောဂစေတီတော် ဖြစ်သည့်အတွက် ဗောဓိပင်ကို ရေလောင်းပေးခြင်းသည် ဗောဓိပင် ပိုမိုရှင်သန်စေဖို့ ဘုရားသာသနာတော် ဆက်လက် အဓွန့်ရှည်တည်တံ့စေရန် ရည်ညွှန်းပါသည်။

ဗုဒ္ဓဘာသာဝင် မြန်မာလူမျိုးတို့သည် ကဆုန်လပြည့်နေ့တွင် သံဃာတော်များအား အရုံဆွမ်း၊နေ့ဆွမ်းကပ်လှူခြင်း၊ ပရိတ်တရားတော် တရားတော်များ နာကြားခြင်း၊ သီလခံယူခြင်း၊ ဘာဝနာတရား ပွားများခြင်းနှင့်ဘုရားကျောင်းကန်များကို သန့်ရှင်းရေးများ ပြုလုပ်ခြင်း စသည်တို့ကို ပြုလုပ်ကြပြီး ကုသိုလ်ယူလေ့ရှိကြပါသည်။ ဇိဝိတဒါန ငါးလွှတ်ပွဲ၊ ငှက်လွှတ်ပွဲ၊ တိရစ္ဆာန်ဘေးမဲ့လွှတ်ပွဲ များကိုလည်း တပျော်တပါး ကျင်းပလေ့ရှိကြပါသည်။

ကဆုန်လပြည့်နေ့ကို ကမ္ဘာ့အပြည်ပြည်ဆိုင်ရာ ရုံးပိတ်ရက်အဖြစ်သတ်မှတ်ခြင်း

၁၉၉၈ ခု၊ နိုဝင်ဘာလ ၅ ရက်မှ ၁၄ ရက်အထိ သီရိလင်္ကာနိုင်ငံ၊ ကိုလံဘိုမြို့တော်မှာ ကျင်းပခဲ့သော အပြည်ပြည်ဆိုင်ရာ ဗုဒ္ဓဘာသာ ကွန်ဖရင့်မှာ ကဆုန်လပြည့်နေ့ကို ကမ္ဘာ့ရုံးပိတ်ရက် အဖြစ်သတ်မှတ် နိုင်ရန်အတွက် ညှိနှိုင်းဆွေးနွေး ခဲ့ကြသည်။

သီရိလင်္ကာနိုင်ငံ နိုင်ငံခြားရေးဝန်ကြီးသည် ကမ္ဘာ့ရုံးပိတ်ရက်အဖြစ်သတ်မှတ်ရေး အဆိုကို ၁၉၉၉ ခု စက်တင်ဘာလမှာ ကုလသမဂ္ဂသို့ တင်သွင်းခဲ့တယ်။

၅၄ ကြိမ်မြောက် ကုသလသမဂ္ဂ အထွေထွေညီလာခံမှာ တင်သွင်းသော အဆိုကို မြန်မာနိုင်ငံ အပါအဝင် အခြားနိုင်ငံများ စုစုပေါင်း ၃၄ နိုင်ငံက ထောက်ခံကြသည်၊

ကမ္ဘာ့ကုလသမဂ္ဂသည်

ဂေါတမဗုဒ္ဓဘုရားရှင်ရဲ့ သာသနာတော်သည် ကမ္ဘာပေါ်မှာ သက်တမ်းရှည်ကြာတဲ့ ဘာသာတစ်ခုဖြစ်သည့်အပြင် ဘုရားရှင်၏ အဆုံးအမတော်သည် နှစ်ပေါင်း ၂၅၀၀ ကျော် ကာလတိုင်အောင် လူသားတို့အပေါ် ကာယသုခ၊ စိတ္တသုခနဲ့ ငြိမ်းချမ်းရေးကို ဆောင်ရွက်ပေးခဲ့ပြီး နောင်အနာဂတ်မှာလည်း ကမ္ဘာ့လူသားတို့အပေါ် ကောင်းကျိုးများ ဆက်လက် သက်ရောက်နေ မည်ဖြစ်ကြောင်း၊ သို့ဖြစ်၍ ကုသလမဂ္ဂဗဟိုဌာနချုပ်နဲ့ ကမ္ဘာပေါ်ရှိ ကုလသမဂ္ဂဌာနအသီးသီးတို့မှ ကဆုန်လပြည့် ဗုဒ္ဓနေ့ (ဝေဆတ်ဒေး)ကို အပြည်ပြည်ဆိုင်ရာ ရုံးးပိတ်ရက်အဖြစ် သတ်မှတ်ရမည်။

ဤဆုံးဖြတ်ချက်အရ ဝေဆတ်ဒေး ကျင်းပရာတွင် ကုလသမဂ္ဂရံပုံငွေကို သုံးစွဲခွင့်မရှိ။ နှစ်စဉ်နှစ်တိုင်း ကဆုန်လပြည့်နေ့သည် မည်သည့်လ (အင်္ဂလိပ်လ)တွင် ကျရောက်မည်ကို ကုလသမဂ္ဂ ဌာနချုပ်နှင့် အခြားသော ကုလသမဂ္ဂဌာနတို့က တိုင်ပင်ညှိနှိုင်းကာ ဆုံးဖြတ်သွားရမည်” လို့ ဆုံးဖြတ်ခဲ့ပါတယ်။

ကမ္ဘာ့ကုလသမဂ္ဂမှ ကဆုန်လပြည့် ဗုဒ္ဓနေ့ကို အပြည်ပြည်ဆိုင်ရာ ရုံးပိတ်ရက် Vesak Universal Holiday အဖြစ် သတ်မှတ်ပေးခဲ့သည်။

အခြားနိုင်ငံများတွင်လည်း ကျင်းပကြ

ကဆုန်လပြည့်နေ့ကို ဗုဒ္ဓနေ့အဖြစ် မြန်မာနိုင်ငံတစ်နိုင်ငံလုံးတွင် ကျင်းပပြုလုပ်သည်သာမက ထိုင်းနိုင်ငံ ၊ သီရိလင်္ကာနိုင်ငံ ကိုလံဘိုမြို့နှင့် အခြားနိုင်ငံမြို့ကြီးများမှာလည်း စည်ကားသိုက်မြိုက်စွာ ကျင်းပကြသည်၊

မန္တလေး ကဆုန်ညောင်ရေသွန်းပွဲတော်

ကဆုန်လပြည့်နေ့ ဗုဒ္ဓနေ့ကို ကမ္ဘာ့အပြည်ပြည်ဆိုင်ရာ ရုံးပိတ်ရက်နေ့အဖြစ်သတ်မှတ်ထားသည့် အတွက် ထိုနေ့တွင် နိုင်ငံအသီးသီးရှိ ဗုဒ္ဓဘာသာဝင်များမှာလည်း ပျော်ရွှင်စွာ ကဆုန်ညောင်ရေသွန်း ပွဲတော်ကို ကျင်းပကြသည်။ မြန်မာတစ်နိုင်ငံလုံးရှိ မြို့များမှာလည်း ဗောဓိညောင်ပင်အား ညောင်ရေ သွန်းလောင်းခြင်း ပွဲတော်များကို ခြိမ့်ခြိမ့်သဲ ကျင်းပကြလေသည်။

ထိုကဲ့သို့ညောင်ရေသွန်းပွဲတော်ကျင်းပရာတွင် မန္တလေးမြို့သည်လည်း အထင်ကရ အပါအ၀င် ဖြစ်ပေသည်။

-မဟာမုနိဘုရားကြီး

-ရွှေကြက်ယက်၊ ရွှေကြက်ကျ

-ဗောဓိကုန်း

-အောင်တော်မူဘုရား

-သကျသီဟဘုရား

-ရတနာမဉ္ဇူမြတ်စွာဘုရား

-ထီးတစောင်းဘုရား

စသည်တို့သည် မန္တလေးမြို့၏ အထင်ကရ နာမည်ကြီးညောင်ရေသွန်းပွဲတော် ကျင်းပရာနေရာများ ဖြစ်သည်။ ရွှေကြက်ယက်ဘုရားတွင် ဇာတ်ပွဲများ ဗောဓိကုန်းတွင်တီးဝိုင်းများ အချို့နေရာများတွင် အငြိမ့်ပွဲများထည့်၍ ကျင်းပကြသည်ကို တွေ့ရသည်။

ဗုဒ္ဓဘာသာဝင် မြန်မာလူမျိုးများသည် သန့်ရှင်းစင်ကြယ်သော အ၀တ်အစားများကို ၀တ်ဆင်ယဉ်၍ ပျော်ရွင်စွာ လည်ပတ်ကြလေသည်။ အမျိုးသမီးငယ်လေးများသည် ဆွမ်းတော်တင်ပွဲများကို ကိုင်ဆောင်၍သော်လည်းကောင်း၊ လူငယ်ကလေးများသည် ညောင်ရေအိုးလေးများကို ဆိုင်းထမ်းနှင့်ထမ်း၍သော်လည်းကောင်း ရေသွန်းလောင်းမည့် ဗောဓိညောင်ပင်ရှိရာ ဘုရားပရ၀ုဏ်ဆီသို့ အတီးအမှုတ် အကအခုန်များနှင့်အတူ ပျော်ရွှင်စွာ စီတန်းလှည့်လည် သွားရောက်ကြသည်။

ထိုသို့သော မြင်ကွင်းမျိုးကို မြင်တွေ့ရသူများအဖို့ စိတ်နှလုံး ကြည်နူးချမ်းမြေ့ဘွယ်ကောင်းသော၊ မျက်စိပသာဒကို ဖြစ်စေသော ဗုဒ္ဓဘာသာဝင်တို့၏ အလှတရားတစ်ခုပင် ဖြစ်တော့သည်။

အချို့က မော်တော်ကား၊ ဆိုင်ကယ်၊ စက်ဘီးနှင့်သော်လည်းကောင်း၊ အချို့ကခြေလျင်သော်လည်းကောင်း ပျော်ရွှင်စွာ သွားရောက်လည်ပတ်ကြလေသည်။ ထိုသို့လည်ပတ်ရာလမ်းတစ်လျှောက်ဘေးဝဲယာတွင်လည်း စေတနာရှင်များသည် မိမိအိမ်ရှေ့မှာ ရေအေး၊ အချိုရေများနဲ့လည်းကောင်း၊ အချို့နေရာများမှာ စပီကာ အသံချဲ့စက်များဖြင့် ဗုဒ္ဓဝင်သီချင်းများဖွင့်၍ မဏ္ဍပ်များတည်ဆောက်ပြီး ထမင်း၊ ဟင်းများ၊ ကြာဇံဟင်း၊ မုန့်ဟင်းငါး စသဖြင့် စတုဒိသာအလှူများ ပြုလုပ်ပြီး ကုသိုလ်ယူကြသည်ကိုလည်းတွေ့ရသည်။

ထိုကဲ့သို့သော ညောင်ရေသွန်းပွဲတော်ကျင်းပနေသော ပွဲတော်ကာလအတွင်းမှာမူ ထိုအနီးအနား ၀န်းကျင်တွင် ယာဉ်ကြောပိတ်ဆို့မှုများကိုတော့ ဖြစ်ပေါ်စေတတ်ပါသည်။