သူဌေးကျွန်း (ရတနာ ပုံ ခေတ်မီ ကစားကွင်း)

သူဌေးကျွန်း (ရတနာ ပုံ ခေတ်မီ ကစားကွင်း)

မန္တလေး တောင်ခြေ တွင် ရှိ၍ ရတနာပုံရေကူးကန်နှင့် တွဲ၍ လူသိများသော ကစားကွင်းတစ်ခု ဖြစ်ပါသည်။ ယခု နောက်ပိုင်းတွင် ယခင်နှင့် မတူတော့ဘဲ ကစားနည်း အသစ်များ ထပ်မံ ထည့်သွင်းထား၍ ကျောင်းပိတ်ရက်များတွင် ကလေးများသာမက၊ လူကြီးများပါ လာရောက် အပန်းဖြေလေ့ရှိသော နေရာတစ်ခု ဖြစ်လာသည်။

စိတ်လှုပ်ရှားဖွယ် ကစားနည်းများ အဖြစ် ရေလွှာလျှောစီး ၊ နဂါးရဟတ် ၊ လျှပ်စစ်တိုက်ကား ၊ ဆုံလည် ရဟတ် ၊ ကော်ဖီ ခွက် ဆုံလည် ၊ မြင်းကမ္ဘာ ၊ ချားရဟတ် များအပြင် ၊ ကလေးများ နှစ်သက်သဘော ကျလေ့ရှိသော ပျော့ပျော့အိအိ ကစားကွင်း နှင့် ရေကူးလိုသူများအတွက် ရေကူးကန် နှစ်ကန်ရှိ၍ ၊ တစ်ကန်မှာ လူကြီးများကူးသောကန်ဖြစ်၍ ၊ ကျန်တစ်ကန်မှာ ကလေးများကူးရန် ဖြစ်သည်။ ထိုပြင် ဆပ်ပြာရေကန်လည်း ရှိ၍ ၊ ကလေးများ နှစ်သက်စွာ ကစားလေ့ရှိသည်။ ရိုလာကိုစတာ စီးရင်း စိတ်လှုပ်ရှားဖွယ် အချိန်လေးများ ပိုင်ဆိုင်လိုသူများအဖို့လည်း သူဌေးကျွန်းသည် သွားရောက်သင့်သော ကစားကွင်းတစ်ခုဖြစ်သည်။

များမကြာမီ ပင်လယ်ဓါးပြလှေ ၊ ဆင်ပျံ ရဟတ်၊ နွားရိုင်း စီးစက် ၊ အနှိပ်စက် ထိုင်ခုံ ၊ ကလေးစီးရထား များအား ထပ်မံ ထည့်သွင်း သွားမည် ဖြစ်သည်။ ကစားကွင်းသို့လာရင်း အကြေပြေ လိုသူများအတွက် ၊ အနှိပ်စက်ထိုင်ခုံတွင် နာရီဝက်လျှင် ငွေ ၁၀၀၀ ကျပ် သာ ကျသင့်မည့် အစီအစဉ် လည်း ရှိပါသေးသည်။

သူဌေးကျွန်းအား ပိတ်ရက်မရှ်ိ နေ့စဉ် နံနက် (၉း၀၀) နာရီ မှ ၊ ည (၉း၀၀) နာရီ ထိ ဖွင့်လှစ်ထားလျက်ရှိသည်။