Wednesday, 15 May 2019 13:11

wea.jpeg


မုတ်သုံအဝင်နောက်ကျနေပြီး မုန်တိုင်းထပ်မဖြစ်သေးသဖြင့် အန္တရာယ်ရှိလောက်သည့် အပူချိန်ဖြစ်လာနိုင်ကြောင်း မိုးလေဝသပညာရှင် ဒေါက်တာဦးထွန်းလွင်က မေလ ၁၂ရက်နေ့တွင် ၄င်း၏လူမှုကွန်ရက်စာမျက်နှာတွင် ရေးသားထားသည်။

“မုတ်သုံကအဝင်နောက်ကျနေပြီး မုန်တိုင်းကလည်း ထပ်မဖြစ်သေးတာကြောင့် အပူချိန်မြင့်တက်မှုကို အထူးဂရုစိုက်ဖို့ လိုအပ်နေပါတယ်။ မေလ(၁၅ ရက်မှ၂၁ရက်)ထိ ရက်တစ်ပတ်အတွင်း ကချင်ပြည်နယ်၊ စစ်ကိုင်းတိုင်း အထက်ပိုင်း၊ ဧရာဝတီတိုင်းနဲ့ တနင်္သာရီတိုင်းတို့ မှလွဲပြီး ကျန်တစ်ပြည်လုံးမှာ အပူချိန်များမြင့်တက်လာနိုင်ပါတယ်။ အန္တရာယ်ရှိလောက်တဲ့ အပူချိန်ဖြစ်လာနိုင်တယ်” ဟု ဒေါက်တာဦးထွန်းလွင်က ရေးသားထားသည်။

မိုးလေဝသနှင့် ဇလဗေဒညွှန်ကြားမှုဦးစီးဌာန၏ မေလ ၁၃ ရက် မိုးလေဝသအခြေအနေ ထုတ်ပြန်ချက်တွင် တနင်္သာရီတိုင်းဒေသကြီးနှင့် မွန်ပြည်နယ်တို့တွင် နေရာအနှံ့အပြား၊ ကရင်ပြည်နယ်တွင် နေရာစိပ်စိပ်၊

စစ်ကိုင်းတိုင်းဒေသကြီး အထက်ပိုင်း၊ ပဲခူးတိုင်းဒေသကြီး၊ ကချင်ပြည်နယ်၊ ရှမ်းပြည်နယ် (မြောက်ပိုင်း)နှင့် ကယားပြည်နယ်တို့တွင် နေရာကျဲကျဲ၊

မန္တလေးတိုင်းဒေသကြီး၊ ရှမ်းပြည်နယ် (တောင်ပိုင်းနှင့် အရှေ့ပိုင်း)နှင့် ရခိုင်ပြည်နယ်တို့တွင် နေရာကွက်ကြား မိုးထစ်ချုန်းရွာခဲ့ပြီး၊ ကျန်တိုင်းဒေသကြီးနှင့် ပြည်နယ်တို့တွင် တိမ်အသင့်အတင့်ဖြစ်ထွန်းခဲ့ကြောင်း သိရသည်။

နေ့အပူချိန်များအနေဖြင့် စစ်ကိုင်းတိုင်းဒေသကြီး အထက်ပိုင်းနှင့် ရှမ်းပြည်နယ်တို့တွင် မေလ၏ ပုံမှန်အပူချိန်တို့ထက် ခုနစ် ဒီဂရီစင်တီဂရိတ်၊

စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ချင်းပြည်နယ်နှင့် ကယားပြည်နယ်တို့တွင် မေလ၏ ပုံမှန်အပူချိန်တို့ထက် ငါး ဒီဂရီစင်တီဂရိတ်မှ ခြောက် ဒီဂရီစင်တီဂရိတ်အထိ၊

ပဲခူးတိုင်းဒေသကြီး၊ ဧရာဝတီတိုင်းဒေသကြီး၊ ကချင်ပြည်နယ်နှင့် မွန်ပြည်နယ်တို့တွင် မေလ၏ ပုံမှန်အပူချိန်တို့ထက် သုံး ဒီဂရီစင်တီဂရိတ်မှ လေး ဒီဂရီစင်တီဂရိတ်အထိနှင့်၊

ကျန်တိုင်းဒေသကြီးနှင့် ပြည်နယ်တို့တွင် မေလ၏ ပုံမှန်အပူချိန်တို့ထက် နှစ် ဒီဂရီစင်တီဂရိတ်ပိုခဲ့ကြောင်း ထုတ်ပြန်ချက်တွင် ဖော်ပြထားသည်။

Read more>>>အသက်(၆)နှစ်ပြည့်ပြီး သူငယ်တန်း မတက်ရသေးသော ကလေးများကို ပထမတန်းတွင် သင်ကြားခွင့်ပြုမည်

ထူးခြားသည့် နေ့အပူချိန်များအနေဖြင့် ချောက်မြို့နှင့် ဂန့်ဂေါမြို့တို့တွင် ၄၆ ဒီဂရီစင်တီဂရိတ်စီ၊

ညောင်ဦးမြို့နှင့် ပေါက်မြို့တို့တွင် ၄၅ ဒီဂရီစင်တီဂရိတ်စီနှင့် ကလေးဝမြို့၊ မင်းကင်းမြို့၊ ရွှေဘိုမြို့၊ မုံရွာမြို့၊ ကြေးမုံမြို့၊ မြင်းမူမြို့၊ မန္တလေးမြို့၊ မြင်းခြံမြို့နှင့် ပခုက္ကူမြို့တို့တွင် ၄၄ ဒီဂရီစင်တီဂရိတ်စီ တို့ဖြစ်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာန၏ ထုတ်ပြန်ချက်များအရ သိရသည်။

Source Eleven media


Read 397 times Last modified on Wednesday, 15 May 2019 14:38
Rate :
(1 Vote)

Related items

Leave a comment

Make sure you enter the (*) required information where indicated. HTML code is not allowed.