Thursday, 09 May 2019 16:45

999.jpg

 

မန္တလေးမြို့တွင် ပဉ္စမအကြိမ်မြောက် မြန်မာ့သရက်သီးပွဲတော် ပြုလုပ်မည်ဖြစ်ကြောင်း မန္တလေးတိုင်းဒေသကြီး သရက်အသင်း အစုအဖွဲ့က သိရသည်။

အဆိုပါ သရက်သီး ပြပွဲ၊ ပြိုင်ပွဲအား မေ ၁၁၊ ၁၂ ရက်တို့တွင် မဟာအောင်မြေ မြို့နယ်၊ ၅၃ လမ်းနှင့် ၃၇ လမ်းထောင့်ရှိ Hotel Hazel တွင် ပြုလုပ်သွားမည်ဟု သရက်အသင်းအစုအဖွဲ့ ဥက္ကဋ္ဌဒေါ်သန်းသန်းဆွေက ဆိုသည်။

ဒေါ်သန်းသန်းဆွေက “ပြီးခဲ့တဲ့၂ နှစ်က မြန်မာ့လက်ဖက်၊ သရက်ပွဲတော် ဆိုပြီးစုပေါင်းလုပ်ခဲ့တာမှာ လက်ဖက်က ပေါက်သွားပြီး နိုင်ငံတကာက သိလာပါတယ်။ အဲဒီလိုပဲ သရက်သီးကို နိုင်ငံခြားဝယ်လက်တွေလည်း အများကြီးတိုး လာခဲ့ပါတယ်။ ဒီလိုအောင်မြင်ခဲ့တာကြောင့် အခုလို ပွဲတော်ကို နှစ်စဉ် ပြုလုပ်ပေးရခြင်း ဖြစ်ပါတယ်” ဟု ပြောသည်။

မြန်မာ့သရက်ကို ကမ္ဘာက သိစေရန်၊ မြန်မာ့သစ်သီးဝလံများနှင့် ဟင်းသီးဟင်းရွက်များကို နိုင်ငံတကာ ဈေးကွက်သို့ တန်းဝင်တင်ပို့ ရောင်းချနိုင်ရန်၊ သရက်သီးများကို စံချိန်စံညွှန်းမီ GAP စနစ်ဖြင့် စိုက်ပျိုးလာကြစေရန်၊ စိုက်ပျိုး ထုတ်လုပ်သူများ၊ ဝယ်ယူသူများ၊ တင်ပို့ ရောင်းချသူများနှင့် အခြားဆက်စပ်သူများ အားလုံးချိတ်ဆက် ပူးပေါင်းဆောင်ရွက်နိုင်ရန်၊ သရက် ဈေးကွက်တည်ငြိမ်စေရန်၊ အထွက်နှုန်း တိုးမြှင့်နိုင်ရေးအတွက် နည်းပညာများ ရရှိနိုင်စေရန် ရည်ရွယ်၍ ပြုလုပ်ခြင်းဟု သိရသည်။

ဒေါ်သန်းသန်းဆွေက ဆက်လက်၍ “လက်ရှိ တရုတ်ကို တင်ပို့နေရာမှာ ဈေးက ရလိုက်၊ မရလိုက် ဖြစ်နေတယ်။ အထွက်နှုန်းတွေလည်း လျော့ကျနေတယ်။ အထွက်နှုန်း လျော့ကျလာတာကြောင့်လည်း ဈေးကွက်ကတည်ငြိမ်မှု မရှိဘူး ဖြစ်နေတယ်။ ဒါကြောင့်လည်း ဈေးကွက်တည်ငြိမ်မှု ရှိစေဖို့အတွက် သရက်ပြပွဲ၊ ပြိုင်ပွဲကို ပြုလုပ်ရခြင်း ဖြစ်ပါတယ်” ဟု ပြောသည်။

အဆိုပါ ပွဲတော်ကို မြန်မာနိုင်ငံ သစ်သီးဝလံပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများ အသင်းနှင့် မန္တလေးတိုင်းဒေသကြီး သရက်အသင်းတို့ ပူးပေါင်းကျင်းပခြင်း ဖြစ်ပြီး ပြပွဲတွင် သရက်သီး အမျိုးပေါင်း ၈၀ ကျော်၊ ပြိုင်ပွဲတွင် သရက်သီး အစား ပြိုင်ပွဲ(အချို၊ အချဉ်)၊ သရက်သီး အခွံနွှာပြိုင်ပွဲနှင့် သရက်ခြစ်(ဂျစ်တွန်း) ပြိုင်ပွဲများ ပါဝင်မည် ဖြစ်ကြောင်းသိရသည်။

ယခုပွဲတော်ကို ပြုလုပ်ခြင်းကြောင့် မြန်မာ့သရက်ကို ကမ္ဘာက သိလာစေမည့်အပြင် သွင်းကုန် အစားထိုးရန်နှင့် ထုတ်ကုန်မြှင့်တင်ရေးကဏ္ဍအား အထောက်အကူ ဖြစ်စေပြီး နိုင်ငံခြားဝင်ငွေလည်း ရရှိလာစေမည်ဖြစ်သည်။

ဒေါ်သန်းသန်းဆွေက “နောက် ရည်ရွယ်ချက်တခုက သွင်းကုန် အစားထိုး၊ ထွက်ကုန်တိုးတက် မြင့်မားရေးပေါ့။ မြန်မာမှာ အရည်အသွေးကောင်းတဲ့ သရက်တွေ တော်တော်များများ ရှိပါတယ်။ ဟင်းသီးဟင်းရွက်တွေလည်း အများကြီး ရှိပါတယ်။ အဲဒါတွေကို တန်ဖိုးမြှင့်တင်တဲ့အနေနဲ့ နိုင်ငံခြားကနေ သရက်နဲ့ပတ်သက်တဲ့ ထွက်ကုန်တွေဝင်လာမယ့်အစား ကျမတို့ ဆီကနေတန်ဖိုးမြှင့် ထုတ်ကုန်ပြုလုပ်ပြီး နိုင်ငံခြားကို တင်ပို့ရောင်းချနိုင်မယ်ဆိုရင် နိုင်ငံခြားဝင်ငွေလည်း ရရှိလာစေမှာ ဖြစ်ပါတယ်” ဟု ဆက်လက် ပြောသည်။

မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီး ဟင်းရွက် စိုက်ပျိုး ထုတ်လုပ်တင်ပို့ ရောင်းချသူများအသင်း ဥက္ကဋ္ဌ ဦးနေလင်းမောင်မောင်က “အရည်အသွေးကောင်းတဲ့ အသီးတွေထွက်ရှိပြီး မြန်မာ့သရက်ကို ပြည်ပဈေးကွက် အထိထိုးဖောက်နိုင်ဖို့ ၊ နိုင်ငံတကာ ဈေးကွက်ထဲကို ရောက်ဖို့အတွက် နိုင်ငံတကာက ပုဂ္ဂိုလ်များကို ဖိတ်ကြားထားတာဖြစ်လို့ ဈေးကွက်အလားအလာ ပိုပြီးကောင်းလာမယ်လို့ မျှော်လင့်ပါတယ်။ လက်ရှိမှာလည်း နိုင်ငံတကာကနေ မြန်မာ့သရက်ကို လေ့လာနေသူတွေလည်းရှိပါတယ်” ဟု ပြောသည်။

အဆိုပါ ပွဲတော်တွင် ထိန်းသိမ်းနည်းစနစ်များအပြင် သရက်အိတ်စွတ်သည့်နည်းစနစ်၊ အရွက်ဖြန်းအားဆေး ထည့်သွင်းရမည့်ပမာဏများ၊ စိုက်ပျိုးရေးနှင့်ပတ်သက်သော နည်းပညာများအား ပညာရှင်များနှင့် တောင်သူများ တိုက်ရိုက် ဆွေးနွေးမှုများကို ပြုလုပ်ပေးသွားမည်ဟု သိရသည်။

ဒေါ်သန်းသန်းဆွေက “အခုပွဲမှာ နိုင်ငံခြားမှသရက်ပညာရှင်တွေလည်း တက်ရောက်ပြီး ဆွေးနွေးဟောပြောပေးမှာဖြစ်တယ်။ ပွဲတွေပြုလုပ်ပေးတာကြောင့် အခုဆိုရင် တရုတ်တွေက ခြံတွေထဲအထိဆင်းပြီး ဝယ်ယူမှုတွေ ရှိလာပါတယ်။ နောက်ပြီး ထိုင်း၊ ဂျပန်၊ စင်ကာပူ၊ ကိုရီးယား စတဲ့ နိုင်ငံတွေကလည်း ကမ်းလှမ်းမှုတွေ ရှိလာပါပြီ” ဟု ဆက်လက် ပြောသည်။

ပွဲတော်ကာလအတွင်း စိုက်ပျိုးရေးပညာရှင်များ၏ ဆွေးနွေးဟောပြောပွဲများနှင့် ပြခန်းပေါင်း ၅ဝကျော်ပါဝင် ပြသသွားမည် ဖြစ်ကြောင်းသိရသည်။

ဒေါ်သန်းသန်းဆွေက “ကျမတို့အနေနဲ့ အခုလို ပြည်တွင်းပွဲတွေအပြင် ပြည်ပပွဲတွေကိုလည်း ၂၀၁၆ ခုနှစ်ကစပြီး လုပ်ခဲ့တာတွေရှိတယ်။ အဓိက Certificate ပေါ့နော်။ အဓိက လိုအပ်နေတာက တောင်သူအားလုံး စုစုစည်းစည်း ညီညီညွတ်ညွတ်နဲ့ ပါဝင်လာမယ်ဆိုရင် မြန်မာ့သရက်ဈေးကွက်က နိုင်ငံတကာကို ထိုးဖောက်လာနိုင်မှာ ဖြစ်ပါတယ်။ ပြပွဲတွေလုပ်တာကလည်း ဒီရည်ရွယ်ချက်ပါ ပါတယ်” ဟု ပြောသည်။

ယခုနှစ်ပြပွဲတွင် နာမည်ကျော်သရက်သီးများ ဖြစ်ကြသော စိန်တလုံး၊ ရွှေဟင်္သာ၊ မြကျောက်၊ မချစ်စု၊ ကြေးတငုံ၊ ဦးမေရိယ၊ ငှက်တော်၊ ရင်ကွဲ၊ ပတ္တမြားငမောက်၊ ဆင်နင်းနှင့် ဆင်ပေါင် စသည့် သရက်မျိုးများ အဓိကပါဝင်မည် ဖြစ်ပြီး ပြိုင်ပွဲဝင်တဦးလျှင် သရက်သီး အမျိုးပေါင်း ၅ မျိုး အထိ ပါဝင်ယှဉ်ပြိုင်နိုင်ကာ ပြိုင်ပွဲဝင်သရက်သီးများသည် အညှာ ၄ လက်မ ရှိရန်နှင့် နမူနာ ၅ လုံး ပေးပို့ရမည် ဟုသိရသည်။

ပြိုင်ပွဲဝင် သရက်သီးများကို မေလ ၁ဝ ရက်နေ့ နံနက် ၉နာရီမှ ညနေ ၅နာရီအတွင်း ပြိုင်ပွဲကျင်းပရာနေရာသို့ နောက်ဆုံးထား ပေးပို့ရမည်ဖြစ်ပြီး ဆုကြေးအနေဖြင့် ပထမဆု ကျပ်၂ သိန်း၊ ဒုတိယဆု ကျပ် ၁ သိန်း ၅ သောင်း၊ တတိယဆု ကျပ် ၁ သိန်းနှင့် နှစ်သိမ့်ဆု ကျပ် ၅ သောင်း ချီးမြှင့်သွားမည်ဟု သိရသည်။

ထို့ပြင် သရက်ပွဲတော်အတွင်း အသေးစားချေးငွေရယူခြင်း၊ အစားအစာ ဘေးကင်းလုံခြုံရေး၊ စိုက်ပျိုးရေးဆိုင်ရာ အလေ့အကျင့် ကောင်းများ၊ ပိုးမွှား နှိမ်နှင်းကာကွယ်ခြင်း၊ အစားအသောက် ဘေးအန္တရာယ် ကင်းရှင်းရေး စံချိန်စံညွှန်း အသိအမှတ် ပြုခံရသည့် GLOBAL GAP လက်မှတ်ရရှိရန် ကြိုတင်ပြင်ဆင်ရမည့် လုပ်ငန်းစဉ်များအကြောင်း၊ နိုင်ငံတကာသို့ သရက်ပို့ကုန်အဖြစ် တင်ပို့ခြင်းဆိုင်ရာ ပြင်ဆင်ရမည့် လုပ်ငန်းများနှင့် ဈေးကွက်အခြေအနေများအကြောင်း စသည့် ခေါင်းစဉ်များဖြင့် သက်ဆိုင်ရာပညာရှင်များက ဟောပြော ဆွေးနွေးသွားမည် ဖြစ်ရာ သရက်စိုက် တောင်သူများနှင့် စိတ်ဝင်စားသူ မည်သူမဆို တက်ရောက်နိုင်ပါသည်။

Source ဧရာဝတီ 


Read 438 times Last modified on Thursday, 09 May 2019 17:28
Rate :
(1 Vote)

Related items

Leave a comment

Make sure you enter the (*) required information where indicated. HTML code is not allowed.