သောက်သုံးရေ ခက်ခဲသည့် ရပ်ကွက်များသို့ ရေဂါလံ တစ်သိန်းနီးပါးခန့် ဖြန့်ဝေ

ထိုသို့ ဖြန့်ဝေပေးရာတွင် မေလ ၇ရက်နေ့ နံနက်ပိုင်းက မန္တလေးတိုင်းဒေသကြီးအစိုးရအဖွဲ့ဝင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဒေါက်တာစိုးသန်း၊ မန္တလေးမြို့တော်စည်ပင်သာယာရေး ကော်မတီဝင် ဦးကျော်ဇေယျ၊ မြို့နယ်အုပ်ချုပ်ရေးမှူး ဦးကျော်ဆွေတို့နှင့် ဌာနဆိုင်ရာတာဝန်ရှိသူများသည် ဒေသခံပြည်သူများအတွက် သောက်သုံးရေများ ဖြန့်ဝေပေးခြင်းအား လာရောက်ကြည့်ရှုပြီး ဒေသခံပြည်သူများနှင့် ရင်းရင်းနှီးနှီးတွေ့ဆုံ၍ လိုအပ်သည်များကို သက်ဆိုင်ရာဌာနများနှင့် ပေါင်းစပ်ညှိနှိုင်း ဆောင်ရွက်ပေးခဲ့သည်။

သောက်သုံးရေများဖြန့်ဝေပေးရာတွင် မန္တလေးမြို့တော်စည်ပင်သာယာရေးကော်မတီ ဝန်ထမ်းများ၊ ရပ်ကွက်အုပ်ချုပ်ရေးမှူး ဦးအောင်ကိုမင်းနှင့် အရန်မီးသတ်တပ်ဖွဲ့ဝင်များက မီးသတ်ယာဉ်(၃)စီး၊ ရေသယ်ယာဉ် (၁)စီး၊ စည်ပင်သာယာရေသယ်ယာဉ် (၁)စီး တို့ဖြင့်ရေဂါလံ တစ်သိန်းနီးပါးခန့်ကို ဖြန့်ဝေပေးခဲ့ကြောင်း သိရသည်။

အဆိုပါရပ်ကွက် အနီးတဝိုက်တွင် သောက်သုံးရေအတွက် ရေတွင်းတူးဖော်သည့်အခါ၌ ရေမထွက်သည့် နေရာများပြားခြင်း၊ ရေထွက်ရှိမှု နည်းပါးခြင်းစသည့် အချက်များကြောင့် ပြည်သူများ သောက်သုံးရေ အဆင်ပြေစေရန်အတွက် လာမည့် ဘဏ္ဍာရေးနှစ်များတွင် စည်ပင်သာယာရေးကော်မတီမှ လက်ရှိဖြန့်ဝေပေးနေသည့် (၂)လက်မ ရေပိုက်လိုင်းအစား (၄)လက်မရေပိုက်လိုင်း အသစ်လဲလှယ် သွယ်တန်းပေးရန် ညှိနှိုင်းဆွေးနွေးခဲ့ကြောင်း သိရသည်။

Source & Photo MandalayNewsJournal