Wednesday, 27 November 2019 16:46

1_1.jpg

 

စစ်ကိုင်းမြို့ကို အလည်ရောက်တာနဲ့ ဘာစားရမလဲမသိဘူး၊ ဒေသထွက်အစားအစာတွေကိုလည်း သေချာမသိဖြစ်နေသူတွေအတွက် စစ်ကိုင်းမြို့ရောက်တာနဲ့ မဖြစ်မနေစားသင့်တဲ့ ဒေသထွက်အစားအစာတွေကို ဖော်ပြပေးလိုက်ပါတယ်။ အခုဖော်ပြပေးမယ့် အစားအစာတွေက အခြားနေရာမှာ ရှိနိုင်ရနိုင်ပေမယ့် အရသာမတူသော တစ်မူထူးခြားသောအစားအစာတွေပဲ ဖြစ်ပါတယ်။

 

လေခြူးသီး

 

စစ်ကိုင်းမြို့တစ်မြို့လုံးနီးပါး ညွှတ်နေအောင်သီးနေတဲ့အပင်ကို ပြပါဆိုရင် အဲဒီလေခြူးသီးအပင်တွေပါပဲ။ တရုတ်ဇီးသီး၊ ယိုးဒယားလိုင်ချီိး အစရှိသည်ဖြင့် နာမည်အမျိုးမျိုးနဲ့ခေါ်ဝေါ်နေကြတဲ့ အဲဒီအသီးတွေဟာ စစ်ကိုင်းမှာ စိုက်စားနေတာ နှစ်ပေါင်း ၆၀ ကျော်နေပါပြီတဲ့။ တရုတ်ပြည်က ဒါမှမဟုတ် ယိုးဒယားကလာတဲ့အသီးလို့ထင်ပြီး ရန်ကုန်မှာ ဝယ်စားတဲ့အသီးဟာ စစ်ကိုင်းမှာလည်း ထွက်နေပါလားပေါ့။ 

 

စစ်ကိုင်းသီးက စစ်ကိုင်းသီးသပ်သပ်တဲ့ ရန်ကုန်မှာဝယ်စားလို့ရတဲ့ အသီးတွေကျ တော့ ပြည်ပကဝင်တာတွေများပါတယ်။ ဘာကွာသလဲဆိုတော့ စစ်ကိုင်းသီးကပိုချိုတယ်၊ ပိုအရသာရှိတယ်၊ အခွံပါးပြီး အသားထူတယ်၊ အစေ့သေးတယ်။ အခြားအသီးတွေကတော့ အစေ့ကြီးအခွံထူပြီးအရသာ ပေါ့ပါတယ်။ ဈေးလည်းကွာပါတယ်။ စစ်ကိုင်းသီးက တစ်ပိသာကို လေးငါးထောင်ပေးရပြီး အခြားအသီး တွေကတော့ တစ်ပိသာကို သုံးထောင်အများဆုံးပါ။ ဒီတော့ စစ်ကိုင်းရောက်ရင် စစ်ကိုင်းလေခြူးသီး မဖြစ်မနေစားသင့်တယ်လို့ ညွှန်းချင်ပါတယ်။

 

တရုတ်စံကားပွင့်သုပ်

 

စစ်ကိုင်းတောင်ရိုးတစ်လျှောက် ဘုရားစောင်းတန်းတွေမှာ ရောင်းလေ့ရှိပါတယ်။ ရေစိမ်ထားတဲ့ ရေနွေးဖျောတရုတ်စံကားပွင့်တွေကို ဆယ်ပြီး ပဲမှုန့်၊ ကြက်သွန်ဆီချက်တွေနဲ့သုပ်ထားတာ တော်တော်လေးစားကောင်းပါတယ်။ ပွင့်ဖတ်တွေကတော့ ဆိမ့်ဆိမ့်လေးပေမယ့် အပွင့်ရဲ့ရိုးတံကတော့ ခါးသက်သက်အရသာရှိပါတယ်။ စားလို့အတော်လေးမြိန်လှတဲ့ သွားရည်စာပါပဲ။ စံကားပွင့်သုပ်နဲ့ရေနွေးကြမ်း အလိုက်ဖက်ဆုံးပါပဲ။

 

အခွံစိမ်းငှက်ပျောသီး

 

သီးမွှေးလိုပါပဲ။ ဒါပေမဲ့အခွံကအစိမ်း။ ခွံစိမ်းသီးလို့သူတို့ကခေါ်ပါတယ်။ ဒေသထွက်မို့ ဈေးလည်းချိုပါ တယ်။ တစ်ဖီးကိုငါးရာဆိုရင် အလုံး ၂၀ လောက်ပါတာမို့ ကားဆံ့ရန် ရန်ကုန်ကို အခိုင်လိုက်သယ်သွား ချင်တာပါပဲ။ စားလို့လည်းသိပ်ကောင်း၊ သိပ်ချိုပေါ့။

 

Read More>>>ပြည်တွင်း၊ ပြည်ပခရီးတွေထွက်တဲ့အခါ ဘယ်လို Application တွေ ဆောင်ထားသင့်လဲ

ဆူးပုတ်ရွက်၊ ကြက်ဥ တို့နဲ့ကြော်ထားတဲ့ ဘိန်းမုန့်

 

ဘိန်းမုန့်ကို ပဲပြုတ်နဲ့ကြော်ရတာအားမရဘဲ ဆူးပုပ်ရွက်၊ ကြက်ဥတွေခေါက်မွှေပြီးကြော် ထားတာပါ။ စားလို့ကလည်း ကောင်းမှကောင်းပါပဲ။

 

ငါးရံ့ပတူရွက်သုပ်

 

အရွက်အသားက ခပ်မာမာရှရှလေးကို ခရမ်းချဉ်သီး၊ ကြက်သွန်ဖြူဆီချက်၊ ပဲမှုန့်၊ ငရုတ်သီးစိမ်းခပ် ပါးပါးလှီး ထားတာတွေနဲ့ ရောသုပ်လိုက်တဲ့အခါ အင်မတန်စားလို့ကောင်းတဲ့ ငါးရံ့ပတူရွက်သုပ်ဖြစ် သွားတာပါပဲ။ လက်ဖက်ရွက်နုနုတွေလိုမျိုး ပုံစံတူပေမယ့် အရသာကတော့ ဖန်မနေပါဘူး။ အချဉ်ဖက်ကို နည်းနည်းလေးသမ်းတယ်။ စစ်ကိုင်းတောင်ရိုးတစ်လျှောက်က ဆိုင်တွေမှာရပါတယ်။ တစ်ပွဲကို တစ်ထောင်တဲ့။ အများကြီးပဲစားရပါတယ်။

 

ညောင်ရွက်နဲ့ထုတ်ထားတဲ့ မုန့်ပေါင်း

 

ငှက်ပျောရွက်နဲ့လည်းမဟုတ်၊ ကျွတ်ကျွတ်အိတ်နဲ့လည်းမထုတ်ပါဘူး။ ညောင်ရွက်ခပ်ကြီးကြီးတွေနဲ့ ထုတ်ပေးတဲ့ မုန့်ပေါင်းဖြစ်ပါတယ်။ နှမ်းနဲ့ ပဲပြုတ်အကြီးကြီးတွေရောဖြူးထားပြီး ညောင်ရွက်နံ့သင်းသင်းလေးနဲ့ အင်မတန်ဆိမ့်လှပါတယ်။

 

နာနတ်သီး

 

လက်သီးဆုတ်အရွယ်တောင်မရှိတဲ့ နာနတ်သီးလေးတွေပါ။ စားလိုက်ရင်နှစ်ကိုက်စာ တည်းရယ်။ ဒါပေမဲ့ အရမ်းချိုတယ်။ စစ်ကိုင်းမြေကိုရောက်ရင် မြည်းစမ်းခဲ့စေချင်တဲ့အထဲ ချစ်စရာနာနတ်သီး လေးတွေလည်းပါပါတယ်။

 

အညာအရွက်စုံသုပ်

 

အညာဒေသထွက် အရွက်တွေအစုံသုပ်ထားတာပါ။ အဲဒီအထဲမှာ ပဲညွှန့်၊ သခွတ်ပွင့်၊ ခါးတက်ချဉ်ရွက်၊ ငါးရံ့ပတူရွက် အစရှိတဲ့ အရွက်ပေါင်းစုံပါပါတယ်။ အရသာပေါင်းစုံမို့ ဟိုဆတ်ဆတ် ဒီဆတ်ဆတ်မစား ချင်တဲ့သူတွေအတွက် ဒီအသုပ်တစ်ပွဲတည်းမှာစားရုံနဲ့ အရသာအကုန်လုံးကို မြည်းစမ်းနိုင်တာပေါ့။

 

ဒေါ်စက်ညို မုန့်တီ

 

တကယ်တော့ နန်းကြီးသုပ်ပေါ့။ ဒေါ်စက်ညို (စစ်ကိုင်း) မုန့်တီကိုစားဖို့ မနက်စောစောထရပါတယ်။ ၇ နာရီဆိုရင်ကုန်ပြီဆိုတော့ ခြောက်နာရီလောက်အရောက်သွားမှ စိတ်ချရမယ်။ မုံရွာ-မန္တလေး လမ်းမ ကြီးပေါ်မှာရှိပြီး ကောင်းမှုတော်ဘုရားမရောက်ခင် လမ်းမြောက်ဘက်အခြမ်းမှာ ဆိုင်းဘုတ်အကြီးကြီး ကပ်ထားပါတယ်။ ဘာကောင်းသလဲမမေးနဲ့ ကြိုက်တဲ့သူဆို စစ်ကိုင်းရောက်ရင်သာသွားစားကြည့်ပါလေ။ 

 

>>>စားသောက်ဆိုင်များ (မုန့်ဟင်းခါး၊ မုန့်တီ) (53)<<<

ပတ္တမြားငါးမောက် သရက်သီး

 

အသီးအလုံးအကြီးကြီး ပန်းရောင်နည်းနည်းသန်းသေးတယ်။ ရန်ကုန်မှာလည်းရပါတယ်။ ဒါပေမဲ့ စစ်ကိုင်းကအသီးတွေက အလုံးကြီးပြီးဈေးကောင်းတယ်။ တစ်လုံးကို ၇၀၀ နဲ့ ၁၀၀၀ ဝန်းကျင်ရှိပါတယ်။ အရသာက အရမ်းချိုပြီးအီမနေဘူး။ အရမ်းအမှည့်ကိုမစောင့်ဘဲ ခပ်တင်းတင်းအရွယ်ကိုလှီးပြီး စားတာ ပိုကောင်းပါတယ်။

 

Source; တိမ်တိုက်တွန်း

 


Read 194 times
Rate :
(1 Vote)

Related items

Leave a comment

Make sure you enter the (*) required information where indicated. HTML code is not allowed.