Thursday, 12 September 2019 13:37

Astrology 3 770x470

၁၂.၉.၂၀၁၉ မှ ၁၈.၉.၂၀၁၉ အထိ ၇ ရက်သားသမီးများအတွက် တစ်ပတ်အတွင်း ပြောင်းလဲမည့် ကံကြမ္မာများကို ဖော်ပြပေးလိုက်ပါသည်။

တနင်္ဂနွေ

စီးပွားရေးနှင့် ပတ်သက်သော အကြံအစည်များအတွက် စတင်၍ အကောင်အထည်ဖော် ဆောင်ရွက်ရန် အကောင်းဆုံးအချိန် ဖြစ်ပါသည်။ ရှေရှည်တိုးတက်ကောင်းမွန်သည့် လုပ်ငန်းများ စတင်၍လုပ်ကိုင်ဖြစ်ပါလိမ့်မည်။ အခွင့်အရေးအသစ် နှင့်အတူ တာဝန်ဝတ္တရား အသစ်များလည်း ထမ်းဆောင်ရပါလိမ့်မည်။ မိမိ၏ကြိုးစားမှု မှန်သမျှသည် တိုးပွားပြီး ဟန်ကျစေသော ကံတရားကိုဖြစ်ပေါ်ရပါလိမ့်မည်။ အသုံးစရိတ် ကြီးမားမှု ဖြစ်စေတတ်သော်လည်း ကုန်ကျငွေများ ပြန်ရပါလိမ့်မည်။ အရှေ့အရပ်မြောက် အရပ်တို့မှ စုတ်နှင့်လာဘ်တို့ အဆက်မပြတ် ဝင်လာပါလိမ့်မည်။ အချစ်ရေးတွင် သိက္ခာရှိစွာဖြင့် စိတ်မှာသိသာစေသော ချစ်ခင်မြတ်နိုးဖွယ် ပြုံးအလှပိုင်ရှင်နှင့် ဆုံးဘ၀တိုင် လက်တွဲခွင့် ရရှိပါလိမ့်မည်။
ယတြာ။ ။ မွေးနေ့နံနက်တွင် သာကူမုန့် ကပ်လှူပေးပါ။

တနင်္လာ

အလုပ်နှင့် သက်ဆိုင်ပတ်သက်သော အလုပ်ကြွေးများ၊ စိတ်သောကဖိစီးမှုများနှင့် ကြုံတွေ့ခံစားမှု ဖြစ်ရစေတတ်ပါသည်။ နိုင်ငံခြားခရီး၊ ကုမ္ပဏီပစ္စည်း၊ နိုင်ငံခြားသားများနှင့် ဆက်သွယ်ဆောင်ရွက်ရသော လုပ်ငန်းများ အဆင်ပြေကံကောင်းပါလိမ့်မည်။ ငွေအလုံးအရင်းဖြင့် ဝင်လာနိုင်ပါသော်လည်း ကိုယ်တိုင်လုံ့လဝီရိယ စိုက်ထုတ်ရန် အထူးလိုအပ်ပါလိမ့်မည်။ မိမိနှင့်သက်ဆိုင်သော လုပ်ငန်းဟူသမျှ အပေါ်တွင် စိတ်စေတနာကောင်းများ မြင့်မားစွာထားရန် လိုပါသည်။ ပညာ၏အကျိုးကျေးဇူးခံစားရမည် ဖြစ်သော်လည်း ဆန့်ကျင်ဘက်လိင်တို့၏ အနှောင့်အယှက်မကင်းပါဘဲ ရှိနေပါလိမ့်မည်။ အချစ်ရေးတွင် ကံကောင်းနိုင်ရေးအတွက် နှစ်ဦးနှစ်ဖက်၏ အတွေးနှင့် အယူအဆဟူသမျှသည် အပေးအယူမျှနေဖို့တော့ လိုအပ်ပါလိမ့်မည်။
ယတြာ ။ ။ မွေးနေ့နံနက်တွင် သင်္ဘောသီးမှည့် ကပ်လှူပေးပါ။

အင်္ဂါ

အစုစပ် စီးပွားရေးလုပ်ငန်းများတွင် အကျိုးပေးကံကောင်းမှုများ ကြုံရပါလိမ့်မည်။ မိမိအပေါ်တွင် သစ္စာရှိသော မိတ်ဆွေကောင်းများနှင့်သာ လက်တွဲလုပ်ကိုင် ရတတ်ပါသည်။ မိမိမျှော်လင့်ထားသောဆန္ဒများလည်း ပြီးမြောက်အောင်မြင်မှု ရရှိနိုင်ပါသည်။ နိုင်ငံရပ်ခြားတိုင်းတစ်ပါးမှ လက်ဆောင်ပစ္စည်းများ ရရှိပါလိမ့်မည်။ စေ့စပ်ညှိနှိုင်းဆွေးနွေးရသော ကိစ္စများတွင် မိမိ၏အယူအဆများကို ဦးစားပေးဆောင်ရွက်မှု ပြုကြပါလိမ့်မည်။ အိမ်ထောင်ဖက်နှင့် ငွေကြေးကိစ္စအတွက် စကားအချေအတင်ပြောဆိုမှု ပြုရတတ်ပါသည်။ အချစ်ရေးတွင် စကားအသွားအလာ အဝင်အထွက်မမှန်လျှင် ကြင်လျက်ကျန်ရစ်ဖြစ်ရစေသော ခံစားခွင့်များသာ တစ်ဦးတည်း မူပိုင်အဖြစ် နစ်နာစွာ ဖြစ်လာရစေတတ်ပါသည်။
ယတြာ ။ ။ မိတ်ဆွေတစ်ဦးအား လီမွန်တီးတစ်ခွက် ဒါနပြုလိုက်ပါ။

၁၀ ရက်နေ့ကနေ ၁၆ ရက်နေ့အတွင်း ထီထိုးမယ်ဆိုရင် ရက်အလိုက် ကံကောင်းစေမယ့်ဂဏန်းများ

ဗုဒ္ဓဟူး

စီးပွားရေးလုပ်ငန်းများတွင် ယခင်ကထက်ပိုမို၍ ကြိုးစားအားထုတ်သင့်သော ကာလဖြစ်ပါသည်။ အနာဂတ်ကာလ၏ အောင်မြင်မှု မျှော်လင့်ချက်များကို အားရဖွယ်ကြားသိရပါလိမ့်မည်။ မိမိနေထိုင်ရာဒေသနှင့် ဝေးလံသောအရပ်များတွင် စွန့်စား၍ သွားလာလုပ်ကိုင်ခြင်းများ မပြုသင့်ပါ။ အတူတကွပူးတွဲ၍ လုပ်ကိုင်ကြသူ အချင်းချင်း စိတ်ဝမ်းကွဲစေရတတ်ပါသည်။ မြေအောက်တွင် နစ်မြုပ်နေသောတန်ဖိုးရှိသည့် ပစ္စည်းအချို့ တူးဖော်ရရှိစေတတ်ပါသည်။ ရေလမ်းခရီးများ သွားလာရန်မသင့်ပါ။ အချစ်ရေးတွင် ချစ်သူသည် မိမိအပေါ်တွင် အရှိမာန်တစ်ခုဖြင့် မသိဟန်ပြုခဲ့ခြင်းများအတွက် ယခုအခါတွင် မာန်ချပျက်ပြယ်၍ စံပြမကပ်ဖွယ် အိမ်ထောင်ဖက်အဖြစ် လက်တွဲခွင့်ကြုံ ရပါလိမ့်မည်။
ယတြာ ။ ။ အိမ်ကဘုရားတွင် ကျောက်ဖရုံယို ကပ်လှူပေးပါ။

ကြာသပတေး

အနုပညာဆိုင်ရာ တီထွင်ကြံဆမှုများ၊ ပန်းချီပညာရှင်များ၏ ရေးဆွဲဖန်တီးမှုများ ပေါ်လွင်ထင်ရှား၍ အောင်မြင်မှုရစေသော ကာလဖြစ်ပါသည်။ မိမိပိုင်လုပ်ငန်းများတွင် စပ်တူထည့်ဝင်လုပ်ကိုင်လိုသော မိတ်ဆွေအသစ်များက ဆက်သွယ်မှု ပြုကြပါလိမ့်မည်။ လုပ်ငန်းအသစ်၊ နေရာဌာနအသစ်များတွင် တာဝန်ယူဦးဆောင်မှု ပြုရပါလိမ့်မည်။ ရရန်ရှိထားပါသော ကြွေးမြီကိစ္စအတွက် အဆင်မပြေနိုင်သေးပါ။ အစုစပ် ရှယ်ယာလုပ်ငန်းများ၊ အိမ်ထောင်ဖက်နှင့် ဆိုင်သောလုပ်ငန်းများမှ အကျိုးအမြတ်မြင့်မားစွာ ခံစားရပါလိမ့်မည်။ အချစ်ရေးတွင် နှောင့်နှေးကြန့်ကြာ နှုတ်ဆိတ်ကာဖြင့် ခေါ်ထူး မေးဖြေ မှန်မှန်နေထိုင်ခြင်းသည် ချစ်သူ၏ မိမိအပေါ် စိတ်ဝင်စားမှု သက်ရောက်မှုအတွက် လွန်စွာစိတ်ပျက်ဖွယ် ဖြစ်စေရပါလိမ့်မည်။
ယတြာ ။ ။ ကလေးနှစ်ဦးအား ဗလာစာအုပ် လက်ဆောင်ပေးလိုက်ပါ။

သောကြာ

ကြီးမားသောတာဝန်များ၊ မနိုင်မနင်းထမ်းဆောင်ရခြင်းမျိုး ကြုံရပါလိမ့်မည်။ လုပ်ငန်းအသစ်များ တိုးပွားများပြားလာမှုကြောင့် ရွေးချယ်မှုပြုနိုင်ရန် ခက်ခဲစေရတတ်ပါသည်။ ကူးသန်းရောင်းဝယ်မှုဆိုင်ရာ ပညာရပ်များ သင်ယူခွင့်ရရှိပါလိမ့်မည်။ ခရီးဝေးသွားရန်အစီအစဉ်များ ပျက်ပြယ်သွားရတတ်ပါသည်။ အထက်လူကြီးများနှင့် အဆင်မပြေမှုဖြစ်ရတတ်ပါသည်။ ပူးတွဲလုပ်ကိုင်ကြသူအချင်းချင်း သံသယဖြစ်စရာများ ကြုံရပါလိမ့်မည်။ ဆီးနှင့်ပတ်သက်သောဝေဒနာများ ခံစားရတတ်ပါသည်။ အချစ်ရေးတွင် စိတ်ကူးယဉ်စွာ ယုယတတ်သော်လည်း သမုဒယ အလွယ်တကူဖြတ်တတ်ပါသော ချစ်သူ၏စိတ်နှစ်ခွကြောင့် စိတ်မချဖြစ်ရပ်များနှင့် ရင်မောနေမိပါလိမ့်မည်။
ယတြာ ။ ။ အိမ်ကဘုရားတွင် မွေးနေ့နံနက်၌ နှင်းဆီပန်း ၅ ပွင့် ကပ်လှူပေးပါ။

စနေ

မိတ်ဆွေအပေါင်းအသင်းများကြားတွင် မျက်နှာပွင့်ခြင်း၊ ဦးစားပေးခံရခြင်းများ ရှိနေပါလိမ့်မည်။ ဓာတ်မှန်လုပ်ငန်းများ၊ အကျိုးဆောင်လုပ်ငန်းများနှင့် အကျိုးပေးပါလိမ့်မည်။ ရင်းနှီးမတည်ငွေစိုက်ထုတ်၍ အကူအညီပေးမည့်သူများ အဆင်သင့်ရှိနေမည်။ အိမ်၊ အိမ်ခန်း၊ အလုပ်ခန်းနှင့်ဆိုင်သော ပ်ိုင်ဆိုင်ခွင့် စာချုပ်စာတန်းများ လက်ဝယ်ပိုင်ဆိုင်ရရှိပါလိမ့်မည်။ အနောက်အရပ်ဒေသမှ စုတ်နှင့်လာဘ် တစ်ပြိုင်တည်းဝင်လာပါလိမ့်မည်။ ဆွေမျိုးသားချင်းများအတွင်း မင်္ဂလာကိစ္စ ဖြစ်ပေါ်လာပါလိမ့်မည်။ အချစ်ရေးတွင် မလိုသူ၏ ဟန်မကျစကားကြောင့် ချစ်သူအပေါ်တွင် သံသယ အမှားမပြုမိစေရန် အထူးသတိပြုဆင်ခြင်ပါ။
ယတြာ ။ ။ မွေးနေ့နံနက်တွင် လိမ္မော်သီးကပ်လှူပေးပါ။

သိလိုသည်များကိုလဲ ဖုန်းဆက်၍ စုံစမ်းမေးမြန်းနိုင်ပါတယ်၊
ဒေါက်တာလင်းမြတ်သူ ( 09 253817608 )

ဗေဒင်နှင့် လက္ခဏာဆရာများ >>> https://bit.ly/2ETcxR8


Read 221 times Last modified on Thursday, 12 September 2019 13:47
Rate :
(0 votes)

Related items

Leave a comment

Make sure you enter the (*) required information where indicated. HTML code is not allowed.