Thursday, 27 June 2019 10:26

mdy1.jpg

၂၀၁၉ခုနှစ် တက္ကသိုလ်ဝင်တန်း စာမေးပွဲအောင်မြင်သူတွေအတွက် တက္ကသိုလ်ဝင်ခွင့်လမ်းညွှန်စာအုပ်နဲ့ တက္ကသိုလ်ဝင်ခွင့်လျှောက်ထားရမယ့် ပုံစံအိတ်ကို သက်ဆိုင်ရာစာစစ်ဌာနအသီးသီးရှိ အခြေခံပညာကျောင်းတွေမှာ ဇွန်လ ၂၄ ရက်နေ့ကနေ စတင်ပြီး ဇူလိုင်လ ၂၃ ရက်နေ့အထိ ထုတ်ယူရမှာဖြစ်တယ်လို့ အဆင့်မြင့်ပညာဦးစီးဌာနက ကြေညာထားပါတယ်။

တက္ကသိုလ်ဝင်ခွင့်လျှောက်ထားဖို့အတွက် ပုံစံအိတ်တွေထုတ်ယူပြီး တက္ကသိုလ်ဝင်ခွင့်လမ်းညွှန်ပါအတိုင်း ဖြည့်စွက်ထားတဲ့ လျှောက်လွှာတွေကို ဇွန် ၂၄ ရက်နေ့မှ ဇူလိုင် ၂၃ ရက်အထိ စနေ၊ တနင်္ဂနွေ ရုံးပိတ်ရက်တွေ  အပါအဝင် ပိတ်ရက်မရှိ လျှောက်လွှာပြန်လည် တင်သွင်းနိုင်မှာဖြစ်ပါတယ်။

အခုနှစ် တက္ကသိုလ်ဝင်ခွင့် လျှောက်ထားမှုစနစ်တွေ ပြောင်းလဲထားပြီး သီးခြားတက္ကသိုလ်တွေအလိုက် တိုက်ရိုက်လျှောက်ထားရမယ့်အုပ်စုနဲ့ တက္ကသိုလ်ဝင်ခွင့်စိစစ်ရွေးချယ်ရေးအဖွဲ့ကို လိပ်မူပြီး လျှောက်ထားရမယ့် တက္ကသိုလ်အုပ်စုဆိုပြီး နှစ်ခုခွဲထားတာ ဖြစ်ပါတယ်။

လျှောက်ထားရမယ့် တက္ကသိုလ်အုပ်စု နှစ်ခုခွဲထားပေမဲ့ လျှောက်လွှာအိတ်ကတော့ တစ်ခုတည်းသာဖြစ်တယ်လို့ အဆင့်မြင့်ပညာဦးစီးဌာန ညွှန်ကြားရေးမှူး အဆင့်ရှိတာဝန်ရှိသူတစ်ဦးက ပြောပါတယ်။

ဆေးတက္ကသိုလ်နဲ့ ဆေးပညာနှီးနွှယ် တက္ကသိုလ်များ၊ စစ်ကိုင်း ပညာရေးတက္ကသိုလ်၊ မုံရွာစီးပွားရေးတက္ကသိုလ်၊ မိတ္ထီလာ စီးပွားရေးတက္ကသိုလ်၊ နည်းပညာတက္ကသိုလ်များ၊ ကွန်ပျူတာတက္ကသိုလ်များ၊ ပညာရေး  ဒီဂရီကောလိပ်များ၊ ဝိဇ္ဇာသိပ္ဗံဘာသာရပ်သင် တက္ကသိုလ်၊ ဒီဂရီ ကောလိပ်၊ ကောလိပ်များ၊ နေ့သင်တန်း၊ အဝေးသင်တို့အတွက် တက္ကသိုလ်ဝင်ခွင့် စိစစ်ရွေးချယ်ရေးအဖွဲ့သို့ လိပ်မူကာ တက္ကသိုလ် ၂၃ ခုကနေ ပေးပို့လျှောက်ထားနိုင်တယ်လို့ သိရပါတယ်။

ထီကံကောင်းစေဖို့ ပြုလုပ်သင့်သည့် ကုသိုလ်များ

သီးခြားလျှောက်ထားရမယ့် တက္ကသိုလ် ၁၄ ခုရှိပြီး သက်ဆိုင်ရာတက္ကသိုလ် ပါမောက္ခချုပ်ကို လိပ်မူပြီး လျှောက်ထားရမှာ ဖြစ်ပါတယ်။

ဆေးတက္ကသိုလ်နဲ့ ဆေးပညာနှီးနွှယ် တက္ကသိုလ်တွေ၊ သီးခြားဝင်ခွင့်နဲ့ လက်ခံမယ့် တက္ကသိုလ်တွေအတွက် သတ်မှတ်ရက်အတွင်း အချိန်မီပေးပို့လျှောက်ထားရမှာဖြစ်ပြီး နောက်ကျလျှောက်လွှာတွေကို လက်ခံစဉ်းစားပေးမည် မဟုတ်ကြောင်း၊

တက္ကသိုလ်ဝင်ခွင့်ရွေးချယ်ရေးအဖွဲ့ကနေ ရွေးချယ်မယ့် အခြားတက္ကသိုလ်ဝင်ခွင့်တွေအတွက် သတ်မှတ်ရက်ကျော်လွန်ပြီး လျှောက်ထားသူတွေက အဆင့်မြင့်ပညာဦးစီးဌာန (ရန်ကုန်ရုံးခွဲ)၊ သထုံလမ်း ၊ကမာရွတ်မြို့နယ်၊ ရန်ကုန်မြို့သို့ ပေးပို့လျှောက်ထားရမယ်လို့ သိရပါတယ်။

Source kumudra

တက္ကသိုလ်နှင့်ကောလိပ်များ >>> https://bit.ly/2YLhRgT

 


Read 350 times Last modified on Saturday, 29 June 2019 13:19
Rate :
(1 Vote)

Related items

Leave a comment

Make sure you enter the (*) required information where indicated. HTML code is not allowed.