Saturday, 21 September 2019 12:34

dog

 

မန္တလေးမြို့ နေအိမ်များတွင် မွေးမြူထားသော ခွေးများနှင့် ခွေးမွေးမြူလိုသူများ စနစ်တကျမွေးမြူဖို့ရန်အတွက် အိမ်မွေးတိရစ္ဆာန်မွေးမြူခွင့်လိုင်စင်များ ပြုလုပ်ပေးသွားမည်ဖြစ်ကြောင်းမန္တလေးမြို့တော်

စည်ပင်သာယာရေးကော် မတီထံမှ သိရသည်။

မန္တလေးမြို့တော်စည်ပင်သာယာရေးကော်မတီမှ ခွေးရူးရောဂါကာကွယ်နိုင်ရေးနှင့် အများပြည်သူကို အန္တရာယ်ဖြစ်စေသည့် လေလွင့်ခွေးများ ရှင်းလင်းစဉ် အိမ်မွေးခွေးများ ပါမသွားစေရန်အတွက် နေအိမ်များတွင် မွေးမြူထား သော ခွေးများကို မှတ်ပုံတင်ပြုလုပ်ပေးရခြင်း ဖြစ်သည်ဟု သိရသည်။

Read More>>>မြန်မာနိုင်ငံတွင် ဒိုင်နိုဆောကျောက်ဖြစ်ရုပ်ကြွင်းများကို သုတေသနပြုလုပ်မည်

မွေးမြူထားသော ခွေးများမှတ်ပုံတင်ခြင်း၊ လိုင်စင်ထုတ်ပေးခြင်းကို လာမည့် ၂၀၁၉-၂၀၂၀ ဘဏ္ဍာနှစ်မှာ စတင်ဆောင်ရွက်ပေးသွားမှာဖြစ်ပြီး လိုင်စင်ပြုလုပ်ပြီးသားခွေးများအတွက် MDY City အမှတ်တံဆိပ်နှင့် ခွေးခေါင်းပုံပါ သတ္တုလည်ဆွဲပြားပေးအပ်သွားမည်ဖြစ်သည်။

“ခွေးတွေကို စနစ်တကျဖြစ်အောင် မှတ်ပုံတင်ပြုလုပ်ပေးမှာ ဖြစ်ပါတယ်။ ကုန်ကျစရိတ်က သတ္တုပြားလည်ဆွဲဖိုးလောက်ပဲ ကုန်ကျမှာပါ။ သတ္တုပြားတံဆိပ်ကို လည်ပတ်မှာတပ်ထားပေးရပါမယ်၊ အပြင်ထွက်ရင် ပတ်ထားပေးရပါ မယ်”ဟု မန္တလေးမြို့တော်စည်ပင်သာယာရေးကော်မတီဝင် ဦးကျော်ဆန်းမြင့်က ပြောသည်။

Read More>>> မန္တလေးမြို့တော် စုပေါင်းအမှိုက်ကောက်ပွဲ (World Clean Up Day 2019)

အိမ်မွေးတိရစ္ဆာန်မွေးမြူခွင့် မှတ်ပုံတင်ခြင်းကို သက်ဆိုင်ရာ မြို့နယ်စည်ပင်ရုံးမှာ ပြုလုပ်ရမှာ ဖြစ်ပြီး ခွေးဓာတ်ပုံနှင့်အတူ ခွေးတစ်ကောင်လျှင် လိုင်စင်ကြေး ငွေကျပ် ၅ဝဝဝ ပေးသွင်းကာ လိုင်စင်ပြုလုပ်ရမည် ဖြစ်သည်။

၂၀၁၈ ခုနှစ်က မန္တလေးအထွေထွေရောဂါကုဆေးရုံကြီးတွင် ခွေးကိုက်ခံရသူပြင်ပလူနာ ၅၆၉၀ ဦးနှင့် ၂၀၁၉ ခုနှစ် ပထမသုံးလ(ဇန်နဝါရီ၊ ဖေဖော်ဝါရီ၊ မတ်လ)တွင် လူနာ ၁၂၂၈ ဦးရှိနေကြောင်း မှတ်တမ်းများအရ သိရသည်။


Source: SMEs Development Mandalay Group


Read 119 times Last modified on Saturday, 21 September 2019 13:00
Rate :
(1 Vote)

Related items

Leave a comment

Make sure you enter the (*) required information where indicated. HTML code is not allowed.