Monday, 27 January 2020 13:14

 niño-con-herida-en-rodilla-500x334_1.jpg

ဒီရက်ပိုင်းမှာ အအေးလိုင်းဖြတ်နေတာကြောင့် အအေးဒဏ်ကို ပြီးခဲ့တဲ့ ဆောင်းတွင်းတွေထက်ပေိုခံစားနေကြရပါတယ်။ ရာသီဥတုက အေးနေရင် အရေပြားမှာ ပြဿနာတွေဖြစ်ပေါ်လာတက်ပါတယ်။

အသားပပ်တာ၊ နှုတ်ခမ်းကွဲတာအပြင် အက်ကွဲတာတွေဖြစ်တက်ကြပြီး အနာဖြစ်လည်း တခြားအချိန်တွေထက် အနာကျက်နှေးတာကြုံဖူးကြမှာပါ။ နောက်တစ်ချက်က အေးနေပြီဆို လူတွေက အိမ်ထဲ၊ အခန်းထဲအောင်းနေဖို့ စဉ်းစားကြတော့ ပြဿနာရှိလာပြန်ပါတယ်။ လှုပ်ရှားမှုနည်းခြင်းက သွေးလည်ပတ်မှုကောင်းစေမှာ မဟုတ်တဲ့အပြင် ရောဂါပိုးတွေက အေးနေရင် ပြင်ပမှာ ပိုပြီးကြာကြာရှင်သန်နိုင်တာကြောင့် အလုံပိတ်အိမ်ခန်းထဲမှာ အနာနဲ့ ပိုးမွှားဘက်တီးရီးယားတွေထိတွေ့မှုပိုများနိုင်ပါတယ်။ ဒါကြောင့် ဆောင်းတွင်းမှာ ဘာကြောင့် အနာရင်းရလဲဆိုတဲ့အကြောင်းအရင်းနဲ့ ကာကွယ်နည်းတွေကို ဖော်ပြပေးလိုက်ပါတယ်။ 

အရေပြားတစ်ရှူးကျန်းမာရေး

သိထားကြတဲ့အတိုင်း ဆောင်းတွင်းမှာ အရေပြားအပေါ်ယံအလွှာကို ခြောက်သွေ့စေတဲ့အတွက် အရေပြားမှာဖြစ်တဲ့အနာ၊ ဒဏ်ရာမှန်သမျှအတွက် အဆင်မပြေနိုင်ပါဘူး။ အနာဆိုတာ အစိုဓာတ်ရှိတဲ့ပတ်ဝန်းကျင်မှာမှ ကောင်းကောင်းအနာကျက်တာမို့ ဒီလိုအချိန်မှာ အနာကို ပလာစတာ သို့မဟုတ် ပတ်တီးနဲ့ စနစ်တကျ ဖုံးအုပ်ကာကွယ်ထားသင့်ပါတယ်။ ဒီလိုဖုံးအုပ်ထားခြင်းအားဖြင့် အစိုဓာတ်ထိန်းရာရောက်တဲ့အပြင် မှိုပိုးကအစ ဘက်တီးရီးယားတွေပေါတဲ့ရာသီမှာ အနာကိုပိုးမဝင်အောင် ကာကွယ်ပေးနိုင်ပါတယ်။

ကိုယ်ခံအားစနစ်ရဲ့လုပ်ဆောင်ချက်

တုပ်ကွေးရာသီမှာ ကိုယ်ခံအားစနစ်ရဲ့လုပ်ဆောင်ချက်က ဒီအတွက်ပဲ အဓိကကာကွယ်နေမှာဖြစ်လို့ အနာကျက်ဖို့၊ ပိုးမဝင်အောင် ကာကွယ်ဖို့မှာ အားလျော့သွားနိုင်ပါတယ်။ တချို့မှာ နေမကောင်းဖြစ်နေရင် အနာကျက်ဖို့ နှေးတယ်ဆိုတာ ဒီအချက်ကြောင့်ဖြစ်နိုင်ပါတယ်။

သွေးလည်ပတ်မှု

ပတ်ဝန်းကျင်အအေးဒဏ်ကြောင့် သွေးလည်ပတ်မှုကိုလည်း နှေးစေနိုင်ပါတယ်။ သွေးလည်ပတ်မှုကောင်းဖို့က အနာကျက်ခြင်းအတွက် အရေးပါတဲ့အချက်ပါ။ သွေးလည်ပတ်မှုမကောင်းရင် အနာတဝိုက်ဧရိယာကို အောက်ဆီဂျင်မရောက်နိုင်တော့ဘဲ အနာကျက်ဖို့နှေးစေပါတယ်။ နောက်ပြီး သွေးလည်ပတ်မှုမကောင်းတဲ့အခါ အနာတဝိုက်က အရေပြားတစ်ရှူးအသစ်ဖြစ်ပေါ်မှုကို အနှောင့်အယှက်ဖြစ်စေနိုင်တယ်။ အေးမှာစိုးပြီး နွေးအောင်နေတဲ့အခါမှာလည်း သွေးမလျှောက်နိုင်လောက်အောင် တင်းကျပ်အောင် ဝတ်စားတာ၊ စည်းနှောင်တာတွေကို နည်းနည်းလျှော့ပါ။ အနာကိုပလာစတာ၊ ပတ်တီးစည်းတဲ့အခါမှာလည်း အရမ်းမတင်းဖို့ အရေးကြီးပါတယ်။

ဒီတော့ အေးတဲ့ရာသီမှာ အနာကျက်မြန်အောင် ဒီအချက်တွေ သိထားသင့်ပါတယ်။

၁။ လှုပ်လှုပ်ရှားရှားနေပါ( ဒဏ်ရာကြီးမားသူကလွဲလို့)

သွေးလည်ပတ်မှုအတွက် လှုပ်ရှားမှုကအရေးကြီးတဲ့အတွက် လှုပ်လှုပ်ရှားရှားနေဖို့ အကြံပြုတယ်ဆိုပေမယ့် အနာကို နွေးထွေးအောင်၊ လုံခြုံအောင် ဖုံးအုပ်ကာကွယ်ဖို့လိုပါတယ်။ လမ်းလျှောက်တာ၊ ယောဂ ကစားတာလိုမျိုး သွေးလည်ပတ်မှုကောင်းစေမယ့် လှုပ်ရှားမှုမျိုးဆို ရပါတယ်။

၂။ အနာကို ဖုံးအုပ်ပါ

ထိခိုက်ဒဏ်ရာရှိတဲ့နေရာကို  ရောဂါပိုးအန္တရာယ်ကိုကာကွယ်ဖို့နဲ့ အစိုဓာတ်ထိန်းနိုင်ဖို့ သန့်စင်တဲ့ ပလာစတာ သို့မဟုတ် ပတ်တီးနဲ့ ဖုံးအုပ်ကာကွယ်သင့်ပါတယ်။  ခြောက်သွေ့မသွားရအောင် အနာကျက်ဆေး သို့မဟုတ် moisturizer တစ်ခုခုလိမ်းထားပေးလို့ရပါတယ်။ လေ့လာမှုတွေအရ အစိုဓာတ်ထိန်းထားနိုင်ရင် ၅၀% အနာကျက်ပိုမြန်တယ်လို့ ဆိုပါတယ်။

Read More>>>အမျိုးသမီးတွေ ဓမ္မတာလာချိန်မှာ သောက်လေ့ရှိတဲ့ Dolfenal ရဲ့ ဆိုးကျိုးများ

၃။ အနာဖေးတက်လာတိုင်း အနာကျက်တဲ့လက္ခဏာမဟုတ်

အနာဖေးတက်တယ်ဆိုတာ အနာမှာလိုအပ်သလောက် အစိုဓာတ်မရတဲ့အခါ ခြောက်သွေ့လာတာပဲဖြစ်ပါတယ်။ အနာဖေးတွေက အနာမကျက်ခင်ကာလအတွင်းမှာ မလိုလားအပ်တဲ့ဘက်တီးရီးယားတွေ ကပ်ငြိနေစေနိုင်တဲ့ အရင်းအမြစ်တွေဖြစ်ပြီး အနာပိုးဝင်ခြင်းအတွက် လမ်းစဖြစ်ပါတယ်။ အနာမကျက်ခင် အနာဖေးတွေကွာတဲ့အခါ အနာပေါက်အသစ်ဖြစ်ကျန်ခဲ့ပြီး အနာကျက်နှေးစေနိုင်တဲ့အပြင် အမာရွတ်ပါဖြစ်စေနိုင်ပါတယ်။

၎။ အနာမှာ ယားလာတိုင်း အနာကျက်လို့ အသားတက်တာ မဟုတ်

အနာတစ်ခုခုဖြစ်ပြီဆို တင်းတင်းလေးဖြစ်လာပြီး ယားသလိုလိုဖြစ်တတ်တာမျိုး ကြုံဖူးမှာပါ။ အထူးသဖြင့် အပေါ်ယံအနာတွေမှာ ဖြစ်လေ့ရှိပါတယ်။ ဟုတ်ပါတယ်။ ပုံမှန်အတိုင်း အနာကျက်လာတာဆိုတဲ့ လက္ခဏာဖြစ်နိုင်ပါတယ်။

ဒါပေမယ့် သတိထားဖို့က အနာမှာ ယားတာအပြင် နီလာတာ၊ ပြည်တည်လာတာ၊ တဒိတ်ဒိတ်သွေးခုန်တိုးသလို ခံစားရတာတွေ ဖြစ်လာရင် အနာပိုးဝင်တဲ့လက္ခဏာ ဖြစ်နေနိုင်ပါတယ်။ အနာက ယားလာပြီဆို အနာတဝိုက် အခြေအနေနဲ့ သန့်ရှင်းမှုကိုသတိထားကြည့်ဖို့ လိုပါတယ်။

Source; hellosayarwon.com


Read 359 times Last modified on Monday, 27 January 2020 13:29
Rate :
(1 Vote)

Related items

Leave a comment

Make sure you enter the (*) required information where indicated. HTML code is not allowed.