Print this page
Friday, 02 August 2019 14:34

mote.jpg

တစ်ချို့က မေးကြတယ်။ “မနက်စာမုန့်တီကောင်းကောင်းစားချင်လို့ ဘယ်မှာသွားစားရမလဲ” တဲ့ မုန့်တီနဲ့ပတ်သက်ရင် အစဉ်အလာ သိပ်ကြီးတဲ့ မန္တလေးမြို့မှာ ဒီမေးခွန်းဟာ အဖြေရအခက်ဆုံးပါပဲ။

မျိုးရိုးစဉ်ဆက်ရောင်းလာကြတဲ့ မန္တလေးက မုန့်တီဆိုင်ကြီးတွေဟာ သူ့အစဉ်အလာ သူ့ထုံးတမ်း သူ့ကိုယ်ပိုင်ဟန်နဲ့ တည်ရှိကြတာမိုိ့  ဘယ်ဆိုင်ကဖြင့် ပိုကောင်းပါတယ်။ ဘယ်ဆိုင်က အမိုက်ဆုံးပါ ဆိုပြီးပြောလို့ မရပါဘူး။

ကိုယ်တိုင်တစ်ရက်တစ်ဆိုင် ပတ်စားကြည့်ပြီး ကိုယ့်ဆိုင်ကိုယ် ရွေးချယ်ပါလို့ အကြံပြုပါရစေ။ အဲ့တော့ မန္တလေးမြို့ရဲ့ မြောက်မြားလှစွာသော မုန့်တီဆိုင်တွေထဲကမှ ထိပ်တန်းဆိုင်ကြီး ၅ ဆိုင်ကို အကြမ်းဖျင်း ပြောပြပေးသွားပါမယ်။

၁။ ဒေါ်သန်းမြမုန့်တီ

မန္တလေးမြို့ရဲ့အကောင်းဆုံးမုန့်တီဆိုင် စာရင်းလို့ ဆိုတဲ့နေရာမှာ ရွှေတံဆိပ်ဆုရဒေါ်သန်းမြမုန့်တီကို ချန်ထားခဲ့လို့ ဘယ်ရမလဲနော်။ ၂၀၀ဝပြည့်နှစ် မန္တလေးမုန့်တီပြိုင်ပွဲမှာ တစ်မြို့လုံးကဆိုင်တွေကို အကုန်ဖြတ်ချပြီး ရွှေဆံဆိပ်ဆု ရသွားခဲ့တာကတော့ ဒေါ်သန်းမြပါ။ ဆုရမုန့်တီ ဆိုတဲ့အတိုင်း အဲခေတ်ကတည်းက မန္တလေး မုန့်တီဆိုင်တွေထဲမှာ ဈေးမြင့်တဲ့ထဲမှာပါတယ်၊ အခုလည်း တစ်ပွဲ ၂၅၀၀ နဲ့ ဈေးအမြင့်ထဲ ရှိနေတုန်းပဲ၊
ပေးရတဲ့ ဈေးနဲ့လည်း တန်တယ်၊ ဈေးလည်း မြင့်တယ် ပေးရတာနဲ့လည်းတန်တယ်ဆိုလို့ ဆိုင်အကြီးကြီးနဲ့ ဖွင့်ထားတာမျိုး မဟုတ်ဘူးရယ်၊ အိမ်ရှေ့မှာ စားပွဲ ၄၊ ၅ ခုံလောက်နဲ့ပဲ သပ်သပ်ရပ်ရပ်နဲ့ မိသားစုဝင်တွေက Service ပေးပြီးသေသေချာချာလေး ရောင်းတာမျိုး လာချပေးတဲ့ ရေနွေးခွက် အချဉ်ပန်းကန်ကအစ Hygiene ကို ဂရုစိုက်ထားမှန်း အရမ်းသိသာတယ်။ သူ့မုန့်တီက ဆီလည်း အရမ်းမများဘူး၊ အီလည်း မအီဘူး၊
မန္တလေးက မုန့်တီဆိုင်တွေထဲမှာ ဒေါ်သန်းမြ မုန့်တီရယ် ဒေါ်လုံးမုန့်တီ ဆိုင်ရယ်က မုန့်ဖတ်သားက တခြားဆိုင်တွေနဲ့ မတူဘဲ အိစက်စက်လေးနဲ့ မုန့်ဖတ်သားကောင်းတယ်၊ ငါးဖယ်လုံးဟင်းချိုတို့ ကြက်သားသုပ်တို့လည်း ရတယ်။

၂။ အရသာအကောင်းဆုံးဆုရ ဒေါ်လုံးမုန့်တီ

၄၃နှစ်သက်တမ်းရှိပြီဖြစ်တဲ့ ဒေါ်လုံးမုန့်တီကလည်း ခေသူမဟုတ်ပါဘူး။ ၂၀၀ဝပြည့်နှစ်တုန်းက မုန့်တီပြိုင်ပွဲမှာ အရသာအကောင်းဆုံးဆုရလာတာသူပေါ့။ အရင်တုန်းကတော့ စားချင်ရင် ဘုရားကြီးဈေးနားအထိ သွားစားရပေမယ့် ခုတော့၂၉လမ်း ၇၁ ၇၂ကြားမှာ ဆိုင်ခန်းကြီးနဲ့ ခမ်းခမ်းနားနား သပ်သပ်ရပ်ရပ် ဖွင့်လှစ်ထားတာကို တွေ့ရပါတယ်။
သူ့အမျိုးအစားကတော့ ပြောရခက်တယ်။ ပဲမုန့်များများနဲ့စေးစေးလေးသုပ်ထားပြီး ခိုတောင်မကျ မန္တလေးမကျတဲ့ ပုံစံမျိုး။ ထူးခြားချက်က သူ့မုန့်ဖတ်သားက အအိဆုံးပဲ။ အိစက်နေတဲ့မုန့်ဖတ်ကလေးကို ပဲမှုန့်စေးစေးလေးသုပ်ထားတဲ့ မုန့်တီပွဲဟာ တစ်ဇွန်းခပ်လိုက်တိုင်း တုန်တုန်အိအိလေးနဲ့ တကယ်စွဲမက်ဖွယ်ရာပါပဲ။ ဈေးကလည်းမေးအုံး အသားတွေအများကြီးနဲ့ကိုမှ တစ်ပွဲ၁၅၀၀ တဲ့။
ပြီးတော့ သူ့ဟင်းရည်ကလည်း သူများနဲ့မတူ မုန့်တီဆိုင်တိုင်းလိုလိုက ပိတ်စွယ်နဲ့ ငါးဖယ်ဟင်းရည် ချတဲအချိန်မှာ သူက ကြက်ပြုတ်ဟင်းရည်တဲ့။ အရသာကလည်း လုံးဝ အချိုမှုန့်မကူတဲ့ ကြက်သားအချိုအရသာ ပျစ်နှစ်နေတဲ့ ကြက်စွပ်ပြုတ်အစစ်ကြီး။ ၁၅၀၀ဟာ အဲ့ဒီအလကားသောက်ရတဲ့ ကြက်စွပ်ပြုတ်ကြီးနဲ့တင် တန်နေပါပြီ။ သူက မုန့်တီတင်မကဘူး။ မုန့်ဟင်းခါး အုန်းနို့ခေါက်ဆွဲပါရတယ်။ ကြက်သားသုပ် ငါးဖယ်သုပ်တွေလည်းရသေးတာ။ အဲ့ထဲမှာ အဓိက mentionလုပ်ချင်တာကတော့ မေမြို့နှပ်ကော်ဖီပဲ။ မုန့်တီဆိုင်တွေထဲမှာ ဒေါ်လုံးမှာပဲရတာ။ မုန့်တီနဲ့ မေမြို့ကော်ဖီဟာ နတ်ဖက်တဲ့စုံတွဲလို အလိုက်ဖက်ဆုံးပါပဲ။

>>> ချဉ်စပ်စပ်ပုဇွန်အစိမ်းသုပ်ကိုမှ ကြိုက်နှစ်သက်သူတွေ သိထားသင့်တဲ့အချက်များ

၃။ စိုးစိုးမုန့်တီ

သူကတော့ မုန့်တီဆိုင်တွေအားလုံးထဲမှာ နေရာထိုင်ခင်း အသန့်ပြန့်ဆုံး။ ခေတ်နှင့်လျော်ညီအောင် အပြောင်းလဲနိုင်ဆုံး သန့်ရှင်းမှုအရှိဆုံး ဆိုင်ပါ။
အမျိုးအစားကတော့ သူလည်း မန္တလေးမုန့်တီအမျိုးအစားပါပဲ။ ဒါပေမယ့်သူကလေ ဆီအရမ်းများတယ်လို့ ခံစားရတယ်။ ပြီးတော့ အချဉ်ထည့်သုပ်မဟုတ်တော့ အီတာပေါ့လေ။ ကျနော်ဆို တစ်ပွဲထက် ပိုမစားနိုင်ဘူး။ ဒါပေမယ့် စိုးစိုးမှ စိုးစိုး တမ်းတမ်းစွဲ သွားစားနေရတဲ့အကြောင်းရင်းတစ်ခုရှိတယ်။ အဲ့ဒါ ငါးဖယ်ပေါင်းပဲ။ ဖက်ရွက်ကလေးနဲ့ ထုပ်ထားတဲ့ ငါးဖယ်ပေါင်းကလေ ဘာနဲ့မှမတူဘူး။ ငါးဖယ်ပြုတ်နဲ့ ငါးဖယ်ပေါင်းက တူသလိုလိုရှိပေမယ့် လုံးဝမတူဘူး။ ငါးဖယ်ပြုတ်ဆိုတာက ပြုတ်လိုက်တော့ ပြုတ်ရည်ထဲမှာ သူ့အရသာတွေပျော်ဝင်ပြီးထွက်သွားတယ်။ ငါးဖယ်ပေါင်းကကျ မာမာကျစ်ကျစ်ကလေးနဲ့ အရသာက အပြည့် နင့်နေရောပဲ။
သူ့ဆိုင်မှာ ငါးဖယ်ပေါင်း ငါးဖယ်လုံးဟင်းချို ငါးဖယ်သုပ် ကြက်သားသုပ်တွေ ရပါသေးတယ်။
စိုးစိုးရဲ့ အားနည်းချက်ကတော့ ဈေးကြီးတာပါပဲ။ သူများဆိုင်တွေထက် အများကြီး ကြီးပါတယ်။ ဒါပေမယ့် ၃ထပ်တိုက်ကြီးထဲမှာ airconနဲ့ရောင်းတဲ့ တစ်ဆိုင်တည်းသော မုန့်တီဆိုင်ပဲလေ သူ့ဈေးနဲ့သူကတော့ အတော်ပါပဲ။

၎။ ဒေါ်စန်းလွင် ခိုတောင်မုန့်တီ

မန္တလေးမုန့်တီမှ မန္တလေးမုန့်တီ ခိုတောင်မုန့်တီကို မကြိုက်ပါဘူး ဆိုတဲ့သူများ ဒေါ်စန်းလွင်ရဲ့လက်ရာကို စားကြည့်ကြစမ်းပါဦး။ သွပ်သွပ်ခါအောင် ရူးသွားစေရမယ်။
ဆီနီမပါ ဆီဝါတစ်မျိုးတည်း ဆီနည်းနည်း ပဲမှုန့်များများနှင့် စေးစေးပိုင်ပိုင် သုပ်လေ့ရှိတဲ့ ခိုတောင်နည်းပေါ့
ဒေါ်စန်းလွင် သွားစားတဲ့အခါ စားနည်းရှိတယ်။ ခိုတောင်နန်းကို ကြက်သွန်ဥလေး နှင့် ငါးဖယ်လုံး ထည့်သုပ်ခိုင်း အန်တီစန်းလွင်ကိုယ်တိုင် နယ်ပေးလို့ခိုင်း။
မုန်လာချဉ်သုပ်တစ်ပွဲမှာ (ပဲတီချဉ်လေးပါ ထည့်သုပ်ပေးတယ်)
ငါးခေါင်းဟင်းရည် ချဉ်စပ်လေးမှာ (ငါးခေါင်းဟဲဗီးကြီးနဲ့ အသားတွေအများကြီးပါမှ ၅၀၀တဲ့)
ခိုတောင်ထုံးစံအတိုင်း ပိတ်စွယ်တွေအများကြီးနဲ့ ငြုပ်သီးလှော်လေး သံပုရာသီးလေးပါ ညှစ်ပေးထားသေးတော့ အတိုင်းထက်အလွန်ပေါ့...

၅။ ခိုတောင်ရွာက မုန့်တီဆိုင်များ

မတော်တဆများ မင်းကွန်းဘက်ကို အလည်သွားဖြစ်ခဲ့မယ်ဆို ခိုတောင်ရွာက မုန့်တီဆိုင်များကို မြည်းစမ်းကြည့်ခဲ့ကြပါဦး။ တစ်ရွာလုံး မျိုးရိုးစဉ်ဆက် မုန့်တီရောင်းလာတဲ့ ခိုတောင်ရွာမှာ ဘယ်ဆိုင်မှမဟုတ်ဘူး တစ်ရွာလုံး ဘယ်ဆိုင်ဝင်စားစား စားကောင်းတယ်။ ခိုတောင် မုန့်တီပေါ်လာပုံကဒီလို မင်းတုန်းမင်းလက်ထက်စဉ်တော်အခါက မင်းကြီးရဲ့အချစ်ဆုံး မိဖုရားငယ်တစ်ပါးဟာ ကိုယ်ဝန်ရှိတော့ တီကောင်ကိုမှ စားချင်ပါတယ် ချင်ခြင်းတက်လို့ ခိုတောင်ရွာက မင်းမှုထမ်းတစ်ဦးက သူတို့ရွာက မုန့်တီဖတ်ကို နနွင်းဝါဝါနဲ့ သုပ်ကျွေးရာက စသတဲ့။ ခိုတောင်မုန့်တီဟာ မန္တလေးမုန့်တီနှင့် ဘာကွာသလဲဆို နန်းကစကွာပါတယ်။ ခိုတောင်နန်းက မန္တလေးနန်းထက် ပိုသေးတယ်။ ခပ်သေးသေး အိအိလေးပေါ့။ ပြီးတော့ ဆီချက်ကို နနွင်းများများနှင့် ကြက်သွန်ဖြူနှင့်သပ်တယ်။ ဆီနီမသုံးဘူး။ ခိုတောင်မုန့်တီက မန္တလေးမုန့်တီလို ဆီမများဘူး မအီဘူး။ ပဲမှုန့်များများနဲ့ စေးစေးပိုင်ပိုင် သုပ်ကြတယ်။

ကဲ ကိုယ်စားချင်တဲ့ဆိုင်ကိုရွေးပြီးရင် လိပ်စာလေးတွေက အောက်မှာနော်

၁ ။ ဒေါ်သန်းမြမုန့်တီ ( လမ်း၄၀ ၈၃ ၈၄ကြား )

၂ ။ ဒေါ်လုံးမုန့်တီ (၂၉လမ်း ၇၁ ၇၂ကြား )

၃ ။ စိုးစိုးမုန့်တီ ( ၈၄x ၈၅ကြား ၃၁x၃၂ကြား )

၎။ ဒေါ်စန်းလွင် ခိုတောင်မုန့်တီ ( ၆၃လမ်း ၁၉ x ၂ဝကြား နန်းရှေ့ဈေးအနီး )

၅။ ခိုတောင်ရွာက မုန့်တီဆိုင်များ ( မင်းကွန်းသွားတဲ့လမ်းမှာ ခိုတောင်ရွာရောက်ရင် လမ်းဘေး ဝဲယာတလျှောက် မုန့်တီဆိုင်တွေချည်းပါပဲ။ )

မန္တလေးမုန့်တီဆိုင်စာရင်းဟာ ဘယ်တော့မှ ပြည့်စုံနိုင်မှာမဟုတ်ပါဘူး။ဒါကြောင့် ကိုယ်သိထားတဲ့စားနေကျဆိုင်ကောင်းလေးတွေကိုလည်း အောက်မှာ မန့်သွားပေးကြနော်။

ကဲ အတူတူသွားစားမယ့် မုန့်တီသရဲ သူငယ်ချင်းတွေကို Mentionခေါ်ပြီး ကိုယ်စားချင်တဲ့ခါလည်းရှာရမခက်အောင် တစ်ခါတည်း share ထားလိုက်တော့နော်။

Credit MandalayFoodDirectory


Read 489 times Last modified on Friday, 02 August 2019 15:24
Rate :
(3 votes)