Thursday, 04 June 2020 15:06

DSC08894.jpg

 

မန္တလေးမြို့တွင် ယခုဘဏ္ဍာနှစ်၌ လမ်းမီးတိုင်များ စံချိန်စိုက်ထူလျက်ရှိပြီး လမ်းမီးများအား ကွန်ပျူတာနှင့် ထိန်းချုပ်နိုင်ရန် ဆောင်ရွက်သွားမည် မန္တလေးမြို့တော်စည်ပင်သာယာရေး ကော်မတီမှ သိရသည်။

မန္တလေးမြို့တွင် ယခု ၂၀၁၉-၂၀၂၀ ဘဏ္ဍာနှစ်၌ လမ်းမီးတိုင်ပေါင်း( ၁၀၅၅၉) တိုင် စံချိန်တင် စိုက်ထူလျက်ရှိပြီး လမ်းမီးများကို Control Room မှ ကွန်ပျူတာဖြင့် ထိန်းချုပ်၍ Smart street Light control system ဖြင့် အဖွင့်အပိတ်ပြုလုပ်နိုင်ရန် ဆောင်ရွက်သွားမည်ဖြစ်ကြောင်း မန္တလေးမြို့တော် စည်ပင်သာယာရေးကော်မတီ မှ သိရသည်။

အဆိုပါ စနစ်နှင့်အတူ Street Dimming System ထည့်သွင်းထားသဖြင့် လမ်းသွားလမ်းလာ အသုံးပြုမှုနည်းပါးချိန်တွင် အလိုအလျောက် အလင်းအားလျှော့ချပေးခြင်းတို့ကြောင့် လျှပ်စစ်ဓါတ်အားသုံးစွဲမှု လျော့နည်းသွားမည်ဖြစ်ကြောင်း၊ လမ်းမီးတိုင်များတွင် Street Light Technology အရ Arm Length and Angulation နှင့် LED မီးသီးအရည်အသွေး၊ သုံးစွဲမှုဝပ်အားကို လမ်းအကျယ်ပေါ်မူတည်ကာ မီးတိုင်အကွာအဝေးကို တွက်ချက်စိုက်ထူခြင်း ဖြစ်ကြောင်း သိရသည်။

မန္တလေးမြို့တော်စည်ပင်သာယာရေးကော်မတီအနေဖြင့် ယခု ၂၀၁၉-၂၀၂၀ ဘဏ္ဍာနှစ်တွင် လမ်းမီးတိုင်အသစ် (၁၀၅၅၉) တိုင် စိုက်ထူမည်ဖြစ်ပြီး မိန်းလမ်းမကြီးများအား ဦးစားပေးဆောင်ရွက်မည်ဖြစ်ကာ လမ်းသွယ်များအတွက် အလှူရှင်များလှူဒါန်းထားသည့် လမ်းမီးတိုင် (၇၅၄) တိုင် တပ်ဆင်ထားပြီးဖြစ်ကြောင်း သိရသည်။

ယခုနှစ် မေလနောက်ဆုံး အပတ်အထိ အလှူရှင်များ လှူဒါန်းမှုအနေဖြင့် Single Arm မီးတိုင် (၁၆၈၉)တိုင် နှင့် Double Arm (၁၀၀၆) တိုင်ရှိပြီး လာရောက်လှူဒါန်းမှုများ ရှိနေဆဲဖြစ်ကြောင်း မန္တလေးမြို့တော်စည်ပင်သာယာရေးကော်မတီမှ သိရသည်။

MOI

==============================

မႏၲေလးၿမိဳ႕တြင္ လမ္းမီးမ်ားကို ကြန္ပ်ဴတာႏွင့္ ထိန္းခ်ဳပ္ႏိုင္ရန္ ေဆာင္႐ြက္သြားမည္

မႏၲေလးၿမိဳ႕တြင္ ယခုဘ႑ာႏွစ္၌ လမ္းမီးတိုင္မ်ား စံခ်ိန္စိုက္ထူလ်က္ရွိၿပီး လမ္းမီးမ်ားအား ကြန္ပ်ဴတာႏွင့္ ထိန္းခ်ဳပ္ႏိုင္ရန္ ေဆာင္႐ြက္သြားမည္ မႏၲေလးၿမိဳ႕ေတာ္စည္ပင္သာယာေရး ေကာ္မတီမွ သိရသည္။

မႏၲေလးၿမိဳ႕တြင္ ယခု ၂၀၁၉-၂၀၂၀ ဘ႑ာႏွစ္၌ လမ္းမီးတိုင္ေပါင္း( ၁၀၅၅၉) တိုင္ စံခ်ိန္တင္ စိုက္ထူလ်က္ရွိၿပီး လမ္းမီးမ်ားကို Control Room မွ ကြန္ပ်ဴတာျဖင့္ ထိန္းခ်ဳပ္၍ Smart street Light control system ျဖင့္ အဖြင့္အပိတ္ျပဳလုပ္ႏိုင္ရန္ ေဆာင္႐ြက္သြားမည္ျဖစ္ေၾကာင္း မႏၲေလးၿမိဳ႕ေတာ္ စည္ပင္သာယာေရးေကာ္မတီ မွ သိရသည္။

အဆိုပါ စနစ္ႏွင့္အတူ Street Dimming System ထည့္သြင္းထားသျဖင့္ လမ္းသြားလမ္းလာ အသုံးျပဳမႈနည္းပါးခ်ိန္တြင္ အလိုအေလ်ာက္ အလင္းအားေလွ်ာ့ခ်ေပးျခင္းတို႔ေၾကာင့္ လွ်ပ္စစ္ဓါတ္အားသုံးစြဲမႈ ေလ်ာ့နည္းသြားမည္ျဖစ္ေၾကာင္း၊ လမ္းမီးတိုင္မ်ားတြင္ Street Light Technology အရ Arm Length and Angulation ႏွင့္ LED မီးသီးအရည္အေသြး၊ သုံးစြဲမႈဝပ္အားကို လမ္းအက်ယ္ေပၚမူတည္ကာ မီးတိုင္အကြာအေဝးကို တြက္ခ်က္စိုက္ထူျခင္း ျဖစ္ေၾကာင္း သိရသည္။

မႏၲေလးၿမိဳ႕ေတာ္စည္ပင္သာယာေရးေကာ္မတီအေနျဖင့္ ယခု ၂၀၁၉-၂၀၂၀ ဘ႑ာႏွစ္တြင္ လမ္းမီးတိုင္အသစ္ (၁၀၅၅၉) တိုင္ စိုက္ထူမည္ျဖစ္ၿပီး မိန္းလမ္းမႀကီးမ်ားအား ဦးစားေပးေဆာင္႐ြက္မည္ျဖစ္ကာ လမ္းသြယ္မ်ားအတြက္ အလႉရွင္မ်ားလႉဒါန္းထားသည့္ လမ္းမီးတိုင္ (၇၅၄) တိုင္ တပ္ဆင္ထားၿပီးျဖစ္ေၾကာင္း သိရသည္။

ယခုႏွစ္ ေမလေနာက္ဆုံး အပတ္အထိ အလႉရွင္မ်ား လႉဒါန္းမႈအေနျဖင့္ Single Arm မီးတိုင္ (၁၆၈၉)တိုင္ ႏွင့္ Double Arm (၁၀၀၆) တိုင္ရွိၿပီး လာေရာက္လႉဒါန္းမႈမ်ား ရွိေနဆဲျဖစ္ေၾကာင္း မႏၲေလးၿမိဳ႕ေတာ္စည္ပင္သာယာေရးေကာ္မတီမွ သိရသည္။

MOI


Read 285 times Last modified on Thursday, 04 June 2020 16:04
Rate :
(2 votes)

Related items

Leave a comment

Make sure you enter the (*) required information where indicated. HTML code is not allowed.