မန္တလေးမြို့တော်ကို သက္ကရာဇ် ၁၂၂၁ ခုနှစ်၊ ခရစ်သက္ကရာဇ် အေဒီ ၁၈၅၉ တွင် တည်ထောင်ခဲ့ရာ ၂၀၀၉ခုနှစ်တွင် နှစ် ၁၅၀ သက်တမ်းရှိခဲ့ပြီ ဖြစ်သည်။ မန္တလေးမြို့၏ မူလအခေါ်မှာ ““မန္တလေးရတနာပုံနေပြည်တော်”” ဟုဖြစ်ပြီး ““မန္တလေးရွှေမြို့တော်”” ဟုလည်း ခေါ်သည်။ ကုန်းဘောင်မင်းဆက်တွင် ဘုန်းတန်ခိုးကြီးသည့် မင်းတစ်ပါးဖြစ်သော မင်းတုန်းမင်း(၁၈၅၂-၁၈၇၇)က တည်ထောင်ခဲ့ခြင်း ဖြစ်ပါသည်။ မင်းတုန်းမင်းသည် ပထ၀ီ အနေအထားအရ ပြန့်ပြူးညီညာသောမြေပြင်ရှိပြီး ပတ်ဝန်းကျင်တွင် ကန်၊ ချောင်း၊ အင်း၊ မြစ်များဖြင့် ၀န်းရံလျက်ရှိသော မန္တလေးတောင်အနီးရှိနေရာကို ရွေးချယ်၍ မြို့သစ်တည်ကာ အမရပူရမြို့တော်မှ မန္တလေးရွှေမြို့တော်သို့ ပြောင်းရွှေ့ခဲ့ခြင်းဖြစ်ပါသည်။ မန္တလေးတောင်ကို အစွဲပြု၍လည်း မန္တလေးမြို့ဟု ခေါ်ကြသည်။ မန္တလေးရွှေမြို့တော်တွင် နန်းမြို့တော်၊ ကျုံးတော်၊ အုတ်မြို့ရိုးနှင့် မြေမြို့ရိုးများ တည်ဆောက်၍ ရပ်ကွက်ပေါင်း (၅၄) ရပ်ကွက်ကို လေးပြင် လေးရပ်ခွဲကာ တာဝန်အသီးသီးပေး၍ အုပ်ချုပ်စေခဲ့သည်။

မန္တလေးရွှေမြို့တော်မှာ အကွက်အကွင်းကျကျ တည်ဆောက်ထားသည့် စတုဂံပုံ မြို့တော်ကြီး ဖြစ်ပါသည်။ မန္တလေးရွှေမြို့တော်ကြီးသည် သီပေါမင်းလက်ထက် ၁၈၈၅ ခုနှစ်တွင် နယ်ချဲ့အင်္ဂလိပ်လက်အောက်သို့ ကျရောက်ခဲ့သည်။ ဒုတိယကမ္ဘာစစ်အတွင်း ၁၉၄၁ ခုနှစ်တွင် အင်္ဂလိပ်တပ်များ တပ်စွဲထားသော မန္တလေးနန်းမြို့တော် ကို ဂျပန်တပ်များက လေကြောင်းမှဗုံးကြဲတိုက်ခိုက်ခြင်း၊ ၁၉၄၅ ခုနှစ်တွင် အင်္ဂလိပ်တပ်များ မြန်မာနိုင်ငံကို ပြန်လည် သိမ်းပိုက်စဉ် နန်းမြို့တွင်းရှိ ဂျပန်တပ်များအား အင်္ဂလိပ်တို့က မီးလောင်ဗုံးကြဲချခြင်းတို့ကြောင့် နန်းတော် အဆောက်အဦအားလုံးနီးပါး မီးလောင်ပျက်စီးခဲ့ရသည်။ ကိုလိုနီခေတ်တွင် မန္တလေးမြို့သည် ပြန်လည်စည်ကားပြီး ဓာတ်ရထားသံလမ်းများ၊ မြင်းရထားလုံးများ အသုံးပြုခဲ့သည်ကို ဓာတ်ပုံမှတ်တမ်းများအရ တွေ့ရသည်။ ထိုခေတ်က မန္တလေးမြို့၏ စီးပွားရေးမှာ ဈေးချိုတစ်ဝိုက်၌သာရှိသည်ဟု ဆိုနိုင်သည်။

မန္တလေးမြို့၏ အကျယ်အ၀န်းနှင့်လူဦးရေ

မြန်မာနိုင်ငံအထက်ပိုင်း ဧရာဝတီမြစ်၏အရှေ့ဘက်ကမ်းတွင်တည်ရှိပြီး မန္တလေးတိုင်း၏ မြို့တော်ဖြစ်သည်။ မန္တလေးမြို့တော်၏ စီးပွားရေးဖွံ့ဖြိုးမှု အခွင့်အလမ်းများအရ ယင်းဒေသသို့ ပြောင်းရွှေ့အခြေချ နေထိုင်လာသူ များပြားလာရာ မြို့ကိုတဖြည်းဖြည်း တိုးချဲ့လာရသည်။ ၁၉၅၉ ခုနှစ်တွင် မြို့ပြနယ်နိမိတ် ၁၉.၀၈ စတုရန်းမိုင်ရှိခဲ့ပြီး လူဦးရေ ၁၉၅,၀၀၀ သာရှိခဲ့သည်။ ၁၉၆၅ ခုနှစ်တွင် ဧရိယာ ၂၅.၆၄ စတုရန်းမိုင်အထိ ကျယ်ပြန့်လာပြီး လူဦးရေမှာလည်း အချိုးကျတိုးလာသည်ဟု သိရသည်။ ၁၉၈၄ ခုနှစ်တွင် မြို့အနောက်ဘက်ခြမ်းရှိ စီးပွားရေးအချက်အချာနှင့် လူနေရပ်ကွက်ကြီးများ မီးသင့်လောင်ပြီးနောက် မြို့ကွက်နေရာ ပြန်လည်ချထားခြင်း၊ ကျူးကျော်အိမ်ရာများ ရှင်းလင်းပြီး အကွက်ရိုက်ပေးခြင်း အစီအစဉ်များဖြင့် မြို့သစ်၊ ကွက်သစ်များ တိုးလာရာ မြို့ဧရိယာသည် စတုရန်းမိုင် ၄၀ အထိ ကျယ်ဝန်းခဲ့သည်။ ၂၀၀၅ ခုနှစ်တွင် မြို့ဧရိယာ ၄၅ စတုရန်းမိုင်နှင့် လူဦးရေ ၉ သိန်း ဖြစ်လာပြီး ၂၀၀၈ ခုနှစ်တွင် ၆၄ စတုရန်းမိုင်နှင့် လူဦးရေ တစ်သန်းနီးပါးရှိလာကြောင်း သိရပါသည်။ မန္တလေးမြို့တော် စည်ပင်သာယာနယ်နိမိတ်ကို အောင်မြေသာစံ၊ ချမ်းအေးသာစံ၊ မဟာအောင်မြေ၊ ချမ်းမြသာစည်နှင့် ပြည်ကြီးတံခွန် စသည့် မြို့နယ် (၅)မြို့နယ်နှင့် ဖွဲ့စည်းထားသည်။ သို့ရာတွင် တောင်ဘက်ရှိ အမရပူရမြို့နယ်နှင့် မြောက်ဖက်ရှိ ပုသိမ်ကြီးမြို့နယ်တို့လည်း မန္တလေးမြို့နှင့် တစ်ဆက်တစ်စပ်တည်း ဖြစ်လာခဲ့ပါသည်။

မန္တလေးမြို့တော်ရှိ ပုဂ္ဂလိကစီးပွားရေးလုပ်ငန်းများ

မန္တလေးလမ်းညွှန် (Mandalay Directory) မှ ကောက်ယူထားသော စာရင်းများအရ မန္တလေးမြို့တော်တွင် ပုဂ္ဂလိကစီးပွားရေးလုပ်ငန်း ၃၀,၄၂၇ ရှိကြောင်း သိရပါသည်။ မန္တလေးမြို့တော်တွင် ချမ်းအေးသာစံမြို့နယ်သည် စီးပွားရေးလုပ်ငန်း အများဆုံးရှိပြီး အခြားမြို့နယ်များထက် (၂)ဆ ခန့်ရှိသည်။ ပုသိမ်ကြီးမြို့နယ်တွင် စီးပွားရေးလုပ်ငန်း အနည်းဆုံးဖြစ်ကြောင်း တွေ့ရပါသည်။

မန္တလေးမြို့တော်ရှိ စီးပွားရေးလုပ်ငန်းများအနက် ထုတ်လုပ်ရေးလုပ်ငန်းက ၂,၇၅၆၊ ကုန်သွယ်ရေး ၁,၅၂၉၊ ၀န်ဆောင်မှု ၁၁,၉၀၅ နှင့် လက်လီလက်ကားဆိုင် ၁၄,၂၃၇ ရှိကြောင်း သိရပါသည်။ လုပ်ငန်းဖွဲ့စည်းပုံအရ ကုမ္ပဏီ ၇၉၇၊ စက်ရုံအလုပ်ရုံ ၁,၄၅၆ နှင့် အခြားလုပ်ငန်း ၂၆,၅၆၅ ရှိကြောင်းလည်း တွေ့ရသည်။ စီးပွားရေးလုပ်ငန်းအလိုက် အလုပ်သမားအရေအတွက်တွင် လက်လီလက်ကားလုပ်ငန်းများ၌ လုပ်ကိုင်နေသည့် အလုပ်သမား ၈၃,၂၆၀ ရှိပြီး ၀န်ဆောင်မှုလုပ်ငန်းများတွင် ၅၁,၄၀၄၊ ထုတ်လုပ်မှုလုပ်ငန်းများတွင် ၃၀,၇၁၉၊ ကုန်သွယ်ရေးလုပ်ငန်းတွင် အလုပ်သမား ၉,၆၄၀ စသည်ဖြင့် စုစုပေါင်း အလုပ်သမား ၁၇၅,၀၂၃ ၀င်ရောက်လုပ်ကိုင်နေကြောင်း သိရပါသည်။

မန္တလေးမြို့ရှိ စီးပွားရေးလုပ်ငန်းအမျိုးအစားများ (၂၀၀၉)

စီးပွားရေးလုပ်ငန်းအမျိုးအစားအလိုက် အလုပ်သမားအရေအတွက် (၂၀၀၉)