သယ်ယူပို့ဆောင်ရေးလုပ်ငန်း
မန္တလေးမြို့တော်သည် မြန်မာနိုင်ငံ၏ အလယ်ဗဟိုတွင် တည်ရှိလျှက်ရှိသောကြောင့် မြန်မာနိုင်ငံ
နေရာအနှံအပြားသို့ အလွယ်တကူသွားလာနိုင်ပါသည်။ ကုန်းလမ်းဖြင့် ပြည်ကြီးတံခွန်မြို့နယ်ရှိ
ကျွဲဆည်ကန်ကားကြီးဝင်းခေါ် ချမ်းမြရွှေပြည် အဝေးပြေးကားဝင်း၊ အောင်မြေသာစံမြို့နယ်ရှိ
သီရိမန္တလာ အဝေးပြေးကားဝင်းနှင့် မဟာအောင်မြေမြို့နယ်ရှိ ပြည်ကြီးမျက်ရှင် ကားကြီးဝင်းများမှတစ်ဆင့်
အဝေးပြေး ဘတ်စ်ကားလိုင်း ၂၇၄ လိုင်းဖြင့် ကုန်းလမ်းမှ အနယ်နယ် အရပ်ရပ်သို့ သွားလာနိုင်သည်။
အဝေးပြေး ကုန်စည်ပို့ဆောင်ရေး အတွက် ပြည်ကြီးတံခွန်မြို့နယ် ကျွဲဆည်ကန် ကားကြီးကွင်းနှင့်
အောင်မြေသာစံမြို့နယ်ရှိ ဒေါနဘွားကားကြီးကွင်းတို့မှ ကုန်စည်ပို့ဆောင်ရေးယာဉ် လိုင်းပေါင်း
၃၀၂ လိုင်းဖြင့် အနယ်နယ်အရပ်ရပ်သို့ ကုန်စည်ပို့ဆောင်ရေး လုပ်ငန်းများကို အလွယ်တကူ ဆောင်ရွက်နိုင်သည်။
မြို့တွင်း ဘတ်(စ်)ကားလိုင်းများအနေဖြင့် လိုင်းပေါင်း ၄၆ လိုင်းဖြင့် မန္တလေးဈေးချိုကြီးကို
ဗဟိုပြုပြေးဆွဲလျက် ရှိပါသည်။ ရေကြောင်းပို့ဆောင်ရေးတွင် ပြည်တွင်းရေကြောင်းပို့ဆောင်ရေးဦးစီးဌာနမှ
ဦးစီး၍ မန္တလေးဂေါဝန်ဆိပ်ကမ်းမှ သင်္ဘောဖြင့် ဗန်းမော်၊ ကသာ၊ ပြည်နှင့် ညောင်ဦး စသည်မြို့များသို့
သွားလာနိုင်ပါသည်။ လေကြောင်းလမ်းတွင် မန္တလေးအပြည်ပြည်ဆိုင်ရာလေဆိပ်ကို မန္တလေးမြို့၏တောင်ဘက်
(၂၁)မိုင်အကွာတွင် ၁၉၉၆ ခုနှစ်မှ စတင် တည်ဆောက်ခဲ့ပြီး ၂၀၀၀ ပြည့်နှစ် စက်တင်ဘာလတွင်
စတင်ဖွင့်လှစ်နိုင်ခဲ့သည့်အတွက် လေကြောင်းခရီးဖြင့်လည်း ပြည်တွင်း/ပြည်ပသို့ အလွယ်တကူ
သွားလာနိုင်ပါသည်။
ကျောက်မျက်ရတနာလုပ်ငန်း
မြန်မာနိုင်ငံ၏ သဘာဝသယံဇာတဖြစ်သော ရွှေနှင့် ကျောက်စိမ်း၊ ကျောက်မျက်ရတနာများကို မန္တလေးတိုင်း၊
စစ်ကိုင်းတိုင်းနှင့် ကချင်ပြည်နယ်များမှ အများဆုံးထွက်ရှိကြပါသည်။ ထို့ကြောင့် လမ်းပန်းဆက်သွယ်ရေးလွယ်ကူသော
မန္တလေးမြို့တွင် ရွှေနှင့် ရွှေပန်းတိမ်လုပ်ငန်းများ၊ ကျောက်စိမ်းအချောကိုင်လုပ်ငန်းများနှင့်
ကျောက်မျက်ရတနာ ရောင်းဝယ်ရေးလုပ်ငန်းများကို အများအပြားတွေ့နိုင်ပါသည်။ မန္တလေးလမ်းညွှန်စာအုပ်အရ
မန္တလေးမြို့တော်တွင် ရွှေဆိုင်နှင့် ရွေပန်းတိမ် ၄၂၃ ခု၊ ကျောက်မျက်ရတနာဆိုင် ၂၇၀ ဆိုင်၊
ကျောက်စိမ်းနှင့် အချောကိုင်လုပ်ငန်း ၂၂၅ ခု၊ စိန်ထည်ပစ္စည်းအရောင်းဆိုင် ၁၂ ဆိုင်၊
ငွေထည်ပစ္စည်း အရောင်းဆိုင် ၈ ဆိုင် တွေ့ရပါသည်။
ပညာရေးဝန်ဆောင်မှု
ပညာရေးဝန်ဆောင်မှုလုပ်ငန်းများတွင် ဘာသာရပ်ဆိုင်ရာ သင်တန်းကျောင်းများအပြင် အသက်မွေး
ဝမ်းကျောင်းဆိုင်ရာပညာရပ်များကိုပါ ဦးစားပေးသင်ကြားပေးလျက် ရှိပါသည်။ ပညာရေးဝန်ဆောင်မှုများကို
လေ့လာ ကြည့်မည်ဆိုပါက နေ့ကလေးထိန်းကျောင်းမှစ၍ အဆင့်မြင့်ပညာအထိ နိုင်ငံတကာအဆင့်မီ
သင်တန်းများကို ဖွင့်လှစ်သင်ကြားလာကြသည်ကို တွေ့ရပါသည်။ နေ့ကလေးထိန်းကျောင်းများတွင်လည်း
နိုင်ငံတကာအဆင့်မီ (ှုညအနမညအေငသညေူ စမန-ျခ့သသူ) များကို ဖွင့်လှစ်လာကြပါသည်။ ကလေးငယ်များကို
ကျောင်းသင်ခန်းစာများအပြင် ဘာသာစကား၊ အားကစား၊ ဂီတနှင့် အနုပညာ စသည့် ပညာရပ်များကိုလည်း
လေ့ကျင့်သင်ကြားပေးလျက် ရှိပါသည်။ အထက်တန်းပညာအတွက် စည်းစနစ်ကျနသည့် အဆင့်မြင့် ဘော်ဒါဆောင်များကို
ဖွင့်လှစ်ပြီး စနစ်တကျနှင့် သက်သောင့်သက်သာသင်ကြားနိုင်ရန် ၀န်ဆောင်မှုများပေးလျက် ရှိပါသည်။
တက္ကသိုလ်ဝင်စာမေးပွဲ အောင်မြင် ပြီးသူများအတွက် ကွန်ပြူတာသင်တန်းများ၊ ဘာသာစကားသင်တန်းများ၊
နိုင်ငံတကာအသိအမှတ်ပြု ဒီပလိုမာနှင့် လက်မှတ်ရသင်တန်းများအပြင် နိုင်ငံခြားတိုင်းပြည်များသို့
တိုက်ရိုက်ပညာသင်ကြားလိုသူများအတွက်လည်း အထူး ၀န်ဆောင်မှုများပေးလျက် ရှိပါသည်။ လူငယ်အများစုကလည်း
ဘ၀အာမခံချက်ပေးနိုင်သည့် နိုင်ငံတကာအဆင့်မြင့် အောင်လက်မှတ်၊ ဒီပလိုမာဘွဲ့နှင့် အသက်မွေးဝမ်းကျောင်းသင်တန်းများကို
ရွေးချယ်တတ်ရောက်လျက် ရှိပါသည်။ မန္တလေးလမ်းညွှန်စာအုပ်အရ မန္တလေးမြို့တော်တွင် ပညာရေးဝန်ဆောင်မှု
သင်တန်းကျောင်းပေါင်း ၅၀၀ နီးပါး ရှိပါသည်။ ယင်းသင်တန်းများတွင် ကျူရှင်နှင့် ဘော်ဒါဆောင်များ၊
နိုင်ငံခြားဘာသာစကားပြောသင်တန်းများ၊ အခြား ဘာသာရပ်ဆိုင်ရာနှင့် အသက်မွေးဝမ်းကျောင်းဆိုင်ရာသင်တန်းများ
ပါဝင်ပါသည်။
ကျန်းမာရေးဝန်ဆောင်မှု
လူသားအားလုံးသည်ကျန်းမာရေးအတွက် အထူးအလေးထား ဂရုစိုက်လာကြသလို ပုဂ္ဂလိကဆေးရုံ၊ ဆေးခန်းများကလည်း
အဆင့်မီဝန်ဆောင်မှုများပေးနိုင်ရန် ကြိုးပမ်းလျက်ရှိပါသည်။ ပုဂ္ဂလိက အထွေထွေရောဂါကု ဆေးခန်းများအပြင်
ရောဂါအမျိုးအစားအလိုက် အထူးကုဆေးခန်းများ များပြားလာကြပါသည်။ ယင်းဆေးခန်းများ၌ ခေတ်မီစမ်းသပ်ပစ္စည်းများ၊
ဓာတ်ခွဲခန်း၊ ခွဲစိတ်ခန်း၊ အဆင့်မြင့်ဆေးဝါးကိရိယာများ၊ ကျွမ်းကျင်သူ ဆေးပညာရှင်များ
အပြင် လိုအပ်လျှင် နိုင်ငံခြားတိုင်းပြည်များသို့ သွားရောက်ကုသမှုခံယူနိုင်အောင် ၀န်ဆောင်မှုပေးလာကြသည်။
မန္တလေးလမ်းညွှန်စာအုပ်အရ မန္တလေးမြို့တော်တွင် ကျန်းမာရေးဝန်ဆောင်မှုလုပ်ငန်းပေါင်း ၁,၈၀၀
ခန့် ရှိပါသည်။ မန္တလေးမြို့တွင် ပုဂ္ဂလိကဆေးရုံ၊ ဆေးပေးခန်းပေါင်း ၄၀၀ ကျော်၊ နိုင်ငံခြားဆေးမျိုးစုံအရောင်းဆိုင်
၄၆၀ ခန့်၊ တိုင်းရင်းဆေးကုခန်းနှင့် ဆေးဆိုင်များသည်လည်း ၄၀၀ ကျော်နှင့် အခြားကျန်းမာရေးဝန်ဆောင်မှုလုပ်ငန်းပေါင်း
၅၀၀ ခန့်ရှိသည်ကို တွေ့ရပါသည်။ မန္တလေးမြို့တော်တွင် နန်းတော်၊ မြို့တော်၊ ကံကော်၊ ငြိမ်း
စသည့် အဆင့်မြင့် ရောဂါရှာဖွေရေးနှင့် အထူးကုဆေးခန်းများရှိသည့်အပြင် နိုင်ငံခြားတိုင်းပြည်များသို့
အလွယ်တကူသွားရောက်ကုသ နိုင်ရန် Bangkok Hospital Mandalay
Office, Bumrungrad Hospital Mandalay office, National health care group, Pun Hlaing
Hospital ( Mandalay office)
များကိုလည်း ဖွင့်လှစ်ထားရှိပါသည်။
မန္တလေးစီးပွားရေးအလားအလာ
မန္တလေးမြို့တော်သည် မြန်မာနိုင်ငံတွင် ဒုတိယလူဦးရေအများဆုံးမြို့ဖြစ်ပြီး လက်ရှိလူဦးရေ
တစ်သန်းမှာလည်း နှစ်စဉ်တိုးတက်လာမည်ဖြစ်ပါသည်။ လူဦးရေတိုးတက်လာသည်နှင့်အတူ မြို့နေလူထု၏
စားသုံးမှုပုံသဏ္ဍာန်လည်း ပြောင်းလဲလာသည်ဟု ဆိုကြသည်။ ယင်းရှေးရိုးဆန်သောပုံသဏ္ဍာန် ဆက်ဆံမှု၊
အရောင်းအ၀ယ်၊ အစားအသောက်၊ ၀တ်စားဆင်ယင်ပုံများမှာ ပြီးခဲ့သည့်နှစ်အနည်းငယ်အတွင်း သိသာစွာပြောင်းလဲသွားသည်ဟု
သုံးသပ်ကြသည်။ စီးပွားရေးဈေးကွက်တွင် ဈေးများ၏ပုံသဏ္ဍာန်၊ ရောင်းချသော ကုန်စည်အနေအထား၊
ဈေးကွက်မှအစ ကွဲပြားခြားနား သွားသည်။ ထို့ကြောင့် super market ကြီးများ mini market
များမှာ နှစ်စဉ်တိုးပွားလာသည်ကို တွေ့ရပါသည်။ စီးပွားရေးလုပ်ငန်းသစ်များလည်း တိုးပွားလာကြောင်း
တွေ့ရပါသည်။ ကုန်သွယ်ရေးတွင် မြန်မာ-တရုတ် နယ်စပ် ကုန်သွယ်ရေးလမ်းကြောင်း၏ ကုန်သွယ်မှုပမာဏ
တစ်နှစ်ထက်တစ်နှစ် ပိုမိုကြီးမားလာသကဲ့သို့ ယင်းကုန်စည်များသည် မန္တလေးမြို့ကို ဖြတ်သန်းခြင်း၊
တစ်ဆင့်ခံနေရာ transit point အဖြစ် အသုံးချလာခြင်းကြောင့် မန္တလေး၏ ကုန်သွယ်မှု လုပ်ငန်းများ
ပိုမိုတိုးတက်နေသည်ကို တွေ့ရပါသည်။ သယ်ယူပို့ဆောင်ရေးလမ်းကြောင်းတွင် ရန်ကုန်-မန္တလေး
အမြန် လမ်းမကြီး တည်ဆောက်ပြီးစီးပါက ရန်ကုန်နှင့် မန္တလေး မိုင်(၄၂၀)ခရီးမှာ (၈)နာရီခန့်သာ
ကြာမြင့်မည်ဖြစ်ပါသည်။ ဆက်သွယ်မှုလမ်းကြောင်း ကောင်းမွန်ပြီး ကုန်စည်စီးဆင်းမှု မြန်ဆန်သွားသည်နှင့်အမျှ
ယင်းအခြေအနေ၏ အကျိုးထူး ကို မန္တလေးရှိ စီးပွားရေးလုပ်ငန်းများ ပိုမိုခံစားရဖွယ်ရှိကြောင်း
သုံးသပ်ရပေသည်။