မန္တလေးတိုင်း၊ အောင်မြေသာစံမြို့နယ် သီရိမာလာ အနောက်ရပ်ကွက်ရှိ သီရိမာလာဈေးအား ဒီဇင်ဘာလ (၁၂)ရက်နေ့မှစ၍ ဒီဇင်ဘာလ (၁၈) ရက်နေ့အထိ (၁)ပတ်တိုင် ယာယီပိတ်ထားမည်ဖြစ်ကြောင်း ပြန်ကြားရေးဌာ၏ ကြေညာချက်အရ သိရသည်။
မန္တလေးမြို့အတွင်းတွင် ကိုဗစ်-၁၉ ပိုးတွေ့လူနာ ပိုမိုများလာသည့်အပြင် သေဆုံးနှုန်းလည်း များပြားလာသည့်အတွက် ဒီဇင်ဘာလ (၅) ရက်နေ့မှ စတင်၍ (၂) ပတ်တာ Semi-lockdown စတင် ချထားခြင်း ဖြစ်သည်။
ထို့ပြင် မန္တလေးမြို၊ စည်ပင်သာယာရေး ကော်မတီဈေးနှင့် သားသတ်ဌာန လက်အောက်ရှိ သီရိမာလာဈေးတွင် ဒီဇင်ဘာ (၈) ရက်နေ့ထိ ကိုဗစ်-၁၉ ရောဂါပိုး တွေ့ရှိသည့်လူနာ (၅၉)ဦးရှိပြီး Facility Quarantine ဝင်ရောက်ရသူ (၁၀၆)ဦးထိ ရှိလာခြင်းတို့ကြောင့် ကိုဗစ်-၁၉ရောဂါ ကူးစက်ပြန့်ပွားမှုမှ ကာကွယ် ထိန်းချုပ်နိုင်ရန် ဈေးကို (၁)ပတ်ခန့် ယာယီပိတ်ထားရခြင်း ဖြစ်ကြောင်း သိရသည်။
ထို့ကြောင့် မန္တလေးတိုင်း အစိုးရအဖွဲ့၏ ညွှန်ကြားချက်အရ သီရိမာလာဈေးနှင့် ဈေးဝန်းကျင်ရှိ ဈေးဆိုင်များနှင့် ပွဲရုံများအား ဒီဇင်ဘာ (၁၂) ရက်နေ့မှ ဒီဇင်ဘာ (၁၈) ရက်နေ့ထိ ခေတ္တ ပိတ်သိမ်းထားမည် ဖြစ်ကြောင်း မန္တလေးမြို့တော် စည်ပင်သာယာရေး ကော်မတီ အောင်မြေသာစံမြို့နယ် အုပ်ချုပ်ရေးမှူးရုံးမှ အုပ်ချုပ်ရေးမှူး ဦးမင်းအောင်ဖြိုးထံမှ သိရသည်။
အဆိုပါ ဈေးယာယီ ပိတ်သိမ်းထားမှုအား မန္တလေးမြို့တော် စည်ပင်သာယာရေး ကော်မတီမှ အောင်မြေသာစံမြို့နယ် အုပ်ချုပ်ရေးမှူး ဦးစီး၍
စသည်တို့ ပူးပေါင်း၍ သီရိမာလာ ဈေးအတွင်းနှင့် အပြင်ဘက် တန်းများတွင် ဈေးဆိုင်များ ဖွင့်လှစ်ရောင်းချမှု မရှိစေရေး ကြီးကြပ်စစ်ဆေး ဆောင်ရွက်လျက်ရှိကြောင်း သိရသည်။
Source : MOI